د ښوونکو لپاره د پور د ورکړې صندوق جوړ شو

د افغانستان د ښوونکو لپاره د پور د ورکړې صندوق جوړ شو.
د دې صندوق لپاره د پوهنې وزارت د بودجې ۱۵میلیونه افغانۍ بېلې شوې دي.
د کابینې د غړو او د وزارتونو د مرستیالانو د یوې میاشتې د معاش ۲۰ فیصده برخه هم دې صندوق ته سپارل کېږي.
په دې اړه پرون چهارشنبه د کابینې په غونډه کې پرېکړه وشوه.
د دې صندوق له پیسو به بې‎وزله ښوونکو ته قرض ورکول کېږي او بیا به د یوه کال په موده کې دا پیسې د هغوی له معاشونو ګرځول کېږي.
آزادی راډیو