د ښوونځیو د اوړي رخصتیو د تمدید په اړه د پوهنې وزارت خبرتیا

د پوهنې وزارت رهبري پلاوي د هوا ګرموالي او د زده کوونکو د والدینو مکررو غوښتنو ته په پام سره پرېکړه وکړه، چې د هېواد د سړو ولایتونو د ټولو دولتي او خصوصي ښوونځيو د اوړي رخصتي د لوی اختر تر پایته رسېدو پورې وغځوي.
له ټولو ښوونکو او زده کوونکو جدي هیله کېږي، چې د روان ۱۳۹۷ لمریز کال د وږي میاشتې په ۳ یمه نېټه بېرته خپلو درسونو ته حاضر شي.
دغه راز ټولو دولتي او خصوصي تعلیمي موسسو ته هدایت ورکول کېږي، چې د ښوونیز نصاب هغه مفردات چې د اوړي د یوې میاشتې رخصتۍ له امله له درسي بهیر پاتې شوي؛ د تعلیمي کال تر پایه په درسي پلان کې شامل او تطبیق کړي.