د پوهنی د پالیسیو او تقنینی سندونو په هکله نظر غوښتنه

خصوصي متشبثينو ته د پوهنې د درسي کتابونو د چاپ د جواز ورکړې د مقررې په هکله عامه غوښتنه

د پوهنې د قانون د اتمې مادې د حکم له مخې د پوهنې علمي شورا د پوهنې د پاليسيو او تقنيني سندونو د تدوين او پرمختيا دنده پر غاړه لري، له همدې کبله په پام کې ده د پاليسيو او تقنيني سندونو د پرمختيا کار د پوهنې د منسوبينو، گټه اخيستونکو او نورو ښېکلو خواوو سره په مشوره ترسره شي.

نو ځکه د مخکنيو تقنيني سندونو په لړ کې دا دی خصوصي متشبثينو ته د پوهنې د درسي کتابونو د چاپ د جواز ورکړې د مقررې مسوده د لا زياتې بډاينې په منظور د عامه نظر غوښتنې په موخه د يوې مياشتې لپاره د ۲۶/۶/۱۳۹۷ څخه تر ۲۶/۷/۱۳۹۷ نېټې پورې د پوهنې وزارت په وبپاڼه کې اېښودل شوې ده. که چېرې يې په هکله نظر او يا وړانديز لرئ کولای شئ په ليکلې توگه او يا د ace@moe.gov.af برښناليک له لارې د پوهنې د علمي شورا د دارالانشاء له رياست سره شريک کړئ. مننه.

پوښ

سرلیک

د پوهنې ددرسی کتابونو د چاپ د جواز مقرره

 

د پښتو د املا لارښود د مسودې په هکله عامه نظر غوښتنه

د دري او پښتو ژبې د املا د لارښود مسوده چې د ښوونيز نصاب د پراختيا رياست له لوري د اړوندو ادارو سره په همکارۍ چمتو شوې ده، د لا زياتې بډاينې په منظور د عامه نظر غوښتنې په موخه د يوې مياشتې لپاره د ۳/۷/۱۳۹۷ څخه تر ۳/۸/۱۳۹۷ نېټې پورې د پوهنې وزارت په وبپاڼه کې اېښودل شوې ده. که چېرې يې په هکله نظر او يا وړانديز لرئ کولای شئ په ليکلې توگه او يا د ace@moe.gov.af برښناليک له لارې د پوهنې د علمي شورا د دارالانشاء له رياست سره شريک کړئ. مننه

د پشتو املا لارښود