میدان وردګ کې د خپلواکۍ د سلمې کلیزې په ویاړ د ښوونځیو تر منځ سیالۍ تر سره شوې 

media-moe
Wed, Aug 07 2019 2:31 PM
میدان وردګ کې د خپلواکۍ د سلمې کلیزې په ویاړ د ښوونځیو تر منځ سیالۍ تر سره شوې 

پوهنې وزارت_میدان وردګ: د افغانستان د ازادي د سلمې کلیزې په ویاړ د میدان وردک ولایت د پوهني ریاست لخوا د ښوونځیو د زده کوونکو ترمینځ د مقاله ليکنې، شعر او شاعرۍ، خطاطۍ او رسامۍ سيالۍ د یوي غونډي په ترځ کې دپوهنې ریاست د کنفرانسونوپه تالار کې تر سره شوې.
په هغه غونډه کې چې له همدې امله جوړه شوي وه، د میدان وردک ولایت والي ډګر جنرال مظفرالدین یمین، دپوهنې رییس دوکتور سعید منصور، د دولتي ادارو یو شمیر چارواکو ، دولایتې شورا وکیلانو ، قومي مشرانو، دیني عالمانو، او د بیلابیلو ښوونځیو ښوونکو او زده کوونکو ګډون کړی درلود. 
د میدان وردک د پوهنې رییس دوکتور سعید منصور د غونډي ګډونوالو ته ښه راغلاست تر ځنګ د پوهني د اهمیت ، ازادي، او د اماني فکر او تګلاري په اړوند خبري وکړي. 
د پوهنې رییس ازادي د انساني فطرت مطلوبه تګلاره ،او دالله ج له لوري یو انسان ته ورکړل شوی. 
همدارنګه د میدان وردک والی غونډی ګډونوالو ته د ازادي په هکله هر اړخیز خبري وکړي او غازي امان الله خان ته یی د ملي اتل او نه هیریدونکي څیري خطاب وکړ.
د یادوني وړ ده، چې د غونډي په پاي کې د ښوونځیو زده کوونکو د ازادۍ او یوالي په تړاو په خپلوترتیب کړو ترانو او مقالو غونډي ته لا ښکلا ور وبښله، همدارنګه د زده کوونکو درساميو او خطاطيو له نندارتون څخه د ميدان وردګو والي صيب په شمول د ادارو رئيس صاحبانو قومي مشرانو او ځوانانو ليدنه وکړه.