نیمروز کې ۸۸ تنه ښځینه ښوونکو ته د ظرفیت لوړونې ورکشاپ جوړ شو

media-moe
Mon, Dec 02 2019 2:50 PM
نیمروز کې ۸۸ تنه ښځینه ښوونکو ته د ظرفیت لوړونې ورکشاپ جوړ شو

د پوهنې وزارت_نیمروز: د نیمروز ولایت د بېلابېلو ولسوالیو ۸۸ تنو ښځینه
قراردادي ښوونکو ته د ظرفیت لوړونې ۱۲ ورځنی روزنیز ورکشاپ جوړ شو. په دې ورکشاپ کې ښوونکو ته د بېلابېلو ښوونیزو مسایلو په تړاو روزنه ورکول کېږي.
د نیمروز د پوهنې رییس وايي، چې یاد ورکشاپ د ښځینه ښوونکو د ظرفیت لوړونې په برخه کې یو مهم ګام دی او هیله لري، چې د پام وړ پایلې ولري. هغه زیاتوي، ددې روزنیز ورکشاپ په ترڅ کې ښوونکو ته ښوول کېږي، چې څنګه کولای شي په اسانۍ سره زده کوونکو ته زده کړه انتقال کړي.
نوموړي زیاته کړه، چې ددې ترڅنګ یې په نیمروز کې د نجونو د شمولیت او په ښوونځيو کې د نجونو زده کوونکو د ذهني او فکري ودې لپاره جدي هلې ځلې هم پیل کړي دي.