د پکتیا ولایت د خواجه علي دیني مدرسې چارې بشپړې او ګټې اخستنې ته وسپارل شوه

media-moe
Mon, Dec 02 2019 2:50 PM
د پکتیا ولایت د خواجه علي دیني مدرسې چارې بشپړې او ګټې اخستنې ته وسپارل شوه

د پوهنې وزارت_پکتیا: د پکتیا ولایت د مرکز ګردېز اړوند د خواجه علي دیني مدرسې د ودانۍ چارې بشپړې او ګټې اخستنې ته وسپارل شوه.
پکتيا والي شميم خان کټوازي د دغې جوړې شوې مدرسې د پرانيستې په مراسمو کې د سيمې خلکو ته مبارکي وړاندې کولو تر څنګ وویل، چې د يادې مدرسې په جوړيدو سره به د مرکز ګردېز ګڼ شمېر د دیني زده کړو مينه والو او طالباالعلمانو اساسي ستونزې حل شي.
همدارنګه د پوهنې رئیس استاد کوچی ځاځی وویل:لکه څرنګه مو چې شعار د متوازن پرمختګ رامنځته کول دي، دا دی نن یوې دیني مدرسې ته په غوره ډول ودانۍ جوړه شوه. له ټولو هغو سرچینو منندوی یم چې په دې برخه کې هر ډول همکاري کړې
د يادولو وړ ده، چې دغه ديني مدرسي ودانۍ په پاخه اواساسي ډول په يو پوړ کې د يولس نيم ميليون افغانيو په لګښت د ښارجوړونې وزارت له لوري د يو نيم کال په موده کې جوړه شوي ، چې ۶ درسي ټولګي ، ۲ اداري خونې، يو کمپيوټر لېب، احاطوي ديوال او نور اړين ملحقات لري ، چې له امله به د مرکز ګردېز اړوند ګڼ شمېر د ديني زده کړو مينوال او زده کوونکي ګټه واخلي.

Latest news

Fri, Jul 31 2020 6:00 AM
Background image

Eid Greetings

On behalf of the Ministry of Education of the Islamic Republic of Afghanistan, I would like to extend my heartfelt greetings on the special occasion of Eid-Ul-adha.

May we celebrate. . .

BACK TO NEWS