له ولایتونو څخه د پوهنې لنډ خبرونه

media-moe
Wed, Feb 01 2023 9:46 AM
له ولایتونو څخه د پوهنې لنډ خبرونه

دایکندي

د دايکنډي ولايت د پوهنې رئيس مفتي رحمت الله مدثر او ورسره پلاوي د دغه ولايت له امنيه قوماندان الحاج ملا عبدالحکيم رفيع الله سره وکتل او په دې ولايت کې يې د پوهنې او سواد زده کړې د وضعيت د ښه والي په برخه کې د يادو دوو بنسټونو پر همغږۍ او همکارۍ خبرې وکړې.
 په دې ناسته کې د یاد ولایت د امنیه قوماندانۍ د منسوبینو لپاره د سواد زده کړې د ټولګیو پر فعالیتونو هم خبرې وشوې.

میدان وردګ

د میدان وردګو ولایت د پوهنې رئیس مولوي ګل ولي متقي د دغه ریاست د یو شمېر کارکوونکو په ګډون د سویډن په هېواد کې د قرآن عظیم الشان د سپکاوي له امله د دغه ولایت د خلکو په اعتراضیه مظاهره کې ګډون کړی و. هغه دا یو ناوړه او غیر انساني عمل وباله او ټینګار یې وکړ چې په اسلام کې د ټولو الهي دینونو حرمت او حیثیت خوندي دی.

سمنګان

د سمنګان ولایت له الشریعة الدبیه دارالعلوم څخه د حدیثو له دورې ۴ تنه او همدارنګه څلور تنه د قرآن کریم حافظان فارغ شول، چې د پوهنې ریاست د مشرتابه پلاوي، دیني علمانو او مخورو سپین ږیرو په حضور کې د یو لړ شاندارو مراسمو په ترڅ کې وستایل شول.

بلخ

د مزارشريف د پوهنې آمر مولوي محمد نعيم بلخي او ورسره مل پلاوي په هغه غونډه کې، چې د سيرت النبي سياليو د پايلو د اعلان په مناسبت، چې د (نثار) د اسلامي مرکز له خوا د پنځمې ناحیې په کارته انصاري کې جوړه شوې وه، په دې غونډه کې د پوهنې آمر مولوي محمد نعيم بلخي او ګډونوالو د حضرت محمد ص د سیرت او اخلاقو په ځینو مهمو ځانګړتیاو خبرې وکړې.

له همدې ولایت د یو بل خبر له مخې

د مارمل ولسوالۍ د پوهنې آمر مولوي حبیب الله حمیدي د دیني او عقیدتي درسونو د وړاندې کولو په دوام کې دا ځل حاضرینو ته د فرښتو د پېژندنې او د قرآن عظیم الشان پر عظمت خبرې وکړې. او ټولو ګډونوالو ته یې د دوی د دیني مسوولیتونو په باب معلومات ورکړ.

Latest news

Tue, Jul 02 2024 9:19 AM
Background image

the Acting Minister of Education visited Paktia Province

AlHaj Mawlawi Habibullah Agha, the Acting Minister of Education, as part of his provincial visits to assess the educational and training conditions in the country's provinces, has now. . .

Mon, Jun 24 2024 11:40 AM
Background image

Dr. Farooq Wardak, the former Minister of Education, met with Al-Haj Mawlawi Habibullah Agha, the Acting Minister of Education

During this meeting, the former Minister of Education, after expressing his gratitude for the time allocated for this meeting, praised the Ministry of Education's achievements in the. . .

Mon, Jun 24 2024 11:25 AM
Background image

Inauguration of a madrassa building in Farah Province with Public Donations

A religious scholar in Farah Province, utilizing two million Afghanis, has constructed the Abdullah bin Mubarak (may Allah be pleased with him) madrassa. This building was inaugurated. . .

BACK TO NEWS