پکتیکا ولایت کې د ۶۰ زره افغانیو په لګښت د یو باب ښوونځي ودانۍ بیاورغول شوه
د پکتیکا ولایت زرغون ولسوالۍ اړوند د حسني لېسې د ودانۍ بیارغونې او ترمیم چارې، چې څه موده وړاندې د همدې لېسې د فارغانو لخوا د ۶۰ زره افغانیو په مالي مرسته پیل شوې وې، بشپړې او د پوهنې مسولینو په ګډون د یوې غونډې په ترڅ کې ګټې اخیستنې ته وسپارل شوې.
د همدغه ښوونځي منسوبینو او د زدهکوونکو والدینو، د هېواد بچیانو لپاره د خوندي او سالم تعلیمي چاپېریال رامنځته کولو برخه کې، د پوهنې وزارت له پاملرنې خپل رضایت او ستاینه څرګنده کړه.
همدارنګه د پوهنې وزارت مشرتابه هم د هېواد د علم پروره خلکو له مادي او معنوي ملاتړ قدرداني کوي.
