لغمان کې د علی خیلو ښوونځي نوې ودانۍ پرانېستل شوه

media-moe
Wed, Jun 12 2019 12:48 PM
لغمان کې د علی خیلو ښوونځي نوې ودانۍ پرانېستل شوه

د لغمان ولایت د مرکز اړوند د علی خیلو دهلکانو ښوونځي نوې ودانۍد پټۍ په پرېکولو سره ګټې اخیستنې ته وسپارل شول. پر یادې پروژي د دولت د غیرې مشروطې بودیجې څه یولس میلیون افغانۍ لګېدلي دي. 
د لغمان والي ښاغلي محمد آصف ننګ د یادې پروژي له پرانېستې خوښي وښوده او ډاډ یې ورکړ، چې په دې ولایت کې به د پوهنې د ودې او پیاوړتیا لپاره جدي هلې ځلې وکړي. 
د یاد ولایت د پوهنې رییس عبدالله حمیدي وايي، د علی خیلو هلکانو ښوونځي ته د لسو میاشتو په موده کې په پاخه او اساسي ډول نوې ودانۍ جوړه شوې، چې ۸ تدریسي، دوه اداري خونې، د احاطې دېوال، د اوبو څښلو څاه او نورې اړوندې ښوونیزې آسانتیاوې لري. 
د سیمې اوسېدونکو او زده کوونکو د ښوونځي د نوې ودانۍ له پرانېستو خوښي وښوده او ژمنه یې وکړه، چې ساتلو او مراقبت ته به یې جدي پاملرنه کوي. 
د یادولو وړ ده، چې اوسمهال په یاده ښوونځي کې شاوخوا ۶۰۰ تنه هلکان په زده کړه بوخت دې.