لوګر د ښوونځیو د زده کوونکو تر منځ د فوټبال سیالۍ پیل شوې

media-moe
Tue, Oct 08 2019 9:56 AM
لوګر د ښوونځیو د زده کوونکو تر منځ د فوټبال سیالۍ پیل شوې

د پوهنې وزارت_لوګر: د لوګر ولایت د پوهنې ریاست له لوري د هلکانو د ۱۴ ښوونځیو د ۱۴ لوبډلو تر منځ د فوټبال سیالۍ پیل شوې.
دغه سیالۍ د یاد ریاست د بدنې روزنې او سپورټ مدیریت د پل علم ښار په دولتي اسټډیوم کې پیل کړې، چې اته ورځې دوام کوي.
په دغو سیالیو کې د ۱۴ ښوونځیو د فوټبال ۱۴ لوبډلو او ۳۰۸ لوبغاړو ګډون کړی،چې هره ورځ څلور لوبډلې سره لوبېږي.
د دغو سیالیو د جوړولو موخه په ښوونځیو کې د فوټبال لوبې ته پرمختګ ورکول او هم د فوټبال د غوره لوبغاړو معلومول دي.
د لوګر د پوهنې رئیس عبدالوکیل کلیوال د نوموړو لوبو د پیل پر مهال وویل، چې د لوبو لپاره یې تر خپلې وسې اسانتیاوې برابرې کړې دي.
د پوهنې رئیس زیاته کړه، چې د دغو سیالیو په پای کې به ګټونکو لوبډلو ته مډالونه، ستاینلیکونه او جایزې هم ورکړل شي .
د یادونې وړده،چې د لوګر د پوهنې ریاست له دې مخکې هم د خپلو ښوونځیو تر منځ دا ډول نورې سیالۍ جوړې کړې دي.