د سولې نړیوالې ورځې په ویاړجوړې شوې انځوریزې سیالۍ کې د بي بي حوا او بي بي مریم لېسو لومړی او دویم مقام تر لاسه کړ

media-moe
Tue, Sep 22 2020 2:15 PM
د سولې نړیوالې ورځې په ویاړجوړې شوې انځوریزې سیالۍ کې د بي بي حوا او بي بي مریم لېسو لومړی او دویم مقام تر لاسه کړ

د پوهنې وزارت_ننګرهار: د ننګرهار ولایت د پوهنې ریاست اړوند د ښوونځیو زده کوونکو د سولې نړیوالې ورځې په ویاړجوړې شوې انځوریزې سیالۍ کې لومړی او دویم مقام تر لاسه کړ!

دا سیالي د سولې نړیوالې ورځې د نمانځنې په ویاړ د ښځو د پیاوړتیا او مشارکت ادارې (پرموټ) له لورې د پوهنې ریاست اړوند دپینځو (بي بي حوا، بي بي مریم، الایي، بي بي عایشې او ملکه ثریا لېسو زده کوونکو او د ننګرهار، التقوا او الفلاح خصوصي پوهنتونونو د ادبیاتو او ژورنالیزم پوهنځیو د زده کړیالانو ترمنځ تر سره شوه په پایله کې د بي بي حوا عالي لېسې زده کوونکو لومړی، د بي بي مریم لېسې زده کوونکو دویم او د الفلاح پوهنتون د ژورنالیزم پوهنځۍ زده کړیالانو دریم مقام تر لاسه کړ.

په دې مراسمو کې د پوهنې ریاست تدریسي مرستیال استاد اول ګل ابوذاهد په خپلو خبرو کې له پروموټ ادارې نه د دې سیالیو د ترسره کولو له امله مننه وکړه او دا یې د زده کوونکو د استعدادونو په غوړولو کې اغیزناکې وبللې. نوموړي وویل د هر هغه اقدام ستاینه او ملاتړ کوي چې تر مخه یې د زده کوونکو استعدادونه او وړتیاوې غوړیږي او د هغوې د ذهنې ودې د پرمختګ سبب ګرځي.

د پرموټ ادارې مشرې میرمن مریم ذاهد د یادې سیالۍ او د میرمنو د پیاوړتیا لپاره یې د خپلې اړوندې ادارې پر فعالیتونو رڼا واچوله.

د مراسموپه پاې کې ګټونکو زده کوونکو ته ډالۍ ورکول شوې.

Latest news

Fri, Jul 31 2020 6:00 AM
Background image

Eid Greetings

On behalf of the Ministry of Education of the Islamic Republic of Afghanistan, I would like to extend my heartfelt greetings on the special occasion of Eid-Ul-adha.

May we celebrate. . .

BACK TO NEWS