د کنړ د پوهنې ریاست اړوند د محلي ټولګیو سره د درسي توکو مرسته وشوه

media-moe
Tue, Sep 22 2020 2:20 PM
د کنړ د پوهنې ریاست اړوند د محلي ټولګیو سره د درسي توکو مرسته وشوه

د پوهنې وزارت_کنړ: د کنړ ولایت د پوهنې ریاست په چوکاټ کې د (Save The Children) نړیوالې مؤسیسې له لوري، خاص کونړ، څوکۍ، نرنګ او نورګل ولسوالیو د پوهنې امریتونو اړوند محلي ټولګیو ته د درسي موادو کیټونه ووېشل شو.

په هغه مراسمو کې چې په همدې موخه جوړه شوي وه، د پوهنې رییس مجیب الرحمن، مولوي نجیب الله حقیار، نرنګ د پوهنې امر احسان الله، د څوکۍ د پوهنې امر او د (Save The Children) نړیوالې مؤسسي د تعلیمي برخې مسؤل تکبیرالله عزیزي برخه اخیستې وه.

د پوهنې رییس استاد مجیب الرحمن همدرد د (Save The Children) نړیوالي اداری نه مننه وکړه زیاته یی کړه: چې (Save The Children) نړیواله مؤسیسه د پوهنې ریاست سره په همغږۍ او ګډ کار کوې، ترڅو هغه ماشومان چې د داخلي جنګونو له امله راکډه شوي او یا هغه ماشومان چې ښوونځي ته لاس رسی نه لري هغوی ته په خپل کلي کې محلي ټولګي جوړ او د تعلیم زمېنه ورته برابره وي.

د پوهنې رییس زیاته کړه چې د (Save The Children) نړیوالې مؤسیسې د پوهنې ریاست د نظارت لاندې په څلورو ولسولیو کې ۱۰۰ محلي ټولګي جوړ کړې، چې پکې ۳۶۷۵ تنه نجوني او هلکان زده کړي کوي.

په یادو مراسمو کې مولوي نجیب الله حقیار او د (Save The Children) نړیوالې مؤسیسې د د تعلیمي برخې مسؤل تکبیرالله عزیزي هم خبرې وکړې او دغه پروګرام يې د بې ځای شوو ماشومانو لپاره ډېر اړین وګڼو او غږ یې وکړ، چې له دغه فرصت څخه سمه ګټه واخئ، ترڅو د تعلیم په ډکر کې د نورو هېوادونو سره سیال شو.

Latest news

Fri, Jul 31 2020 6:00 AM
Background image

Eid Greetings

On behalf of the Ministry of Education of the Islamic Republic of Afghanistan, I would like to extend my heartfelt greetings on the special occasion of Eid-Ul-adha.

May we celebrate. . .

BACK TO NEWS