په لوګر کې کوچیان ماشومانو ته دوه ځانګړي ښوونځي تاسیس شول

media-moe
Tue, Feb 23 2021 1:36 PM
تآسیس دوباب مکتب برای اطفال کوچی ها در ولایت لوگر

د پوهنې وزارت، لوګر: د لوګر ولایت په مرکز پل علم او بر کي برک ولسوالۍ کې د کوچیان ماشومانو لپاره د نجونو او هلکانو دوه نوي لومړني ښوونځي تاسیس شول.

یاد ښوونځي د کوچیانو مشرانو په غوښتنه د پوهنې ریاست په هلو ځلو د پوهنې وزارت تر منظورۍ وروسته فعال شول.

په تاسیس شویو ښوونځیو کې په مرکز پل علم د صدیق خیلو په سیمه کې د میرعلم او د بر کي برک ولسوالۍ د دڼي په کلي کې د عمران خیلو په نومونو ښوونځي شامل دي .

د نوموړو دواړو ښوونځیو په تاسیسولو سره ۴۰۰ کوچیانو ماشومانو ته د زده کړو ویلو زمینه برابره شوه چې ۲۰۰ یې نجونې دي.

د لوګر د پوهنې رئیس سید عزیز احمد هاشمي د نوموړو ښوونځیو پر تاسیس خوښي څرګندوي او په یادو سیمو کې مېشت د کوچیانو له مشرانو غوښتنه کوي، چې خپل ماشومان په تاسیس شویو ښوونځیو کې شامل کړي.

هغه زیاته کړه، چې په راتلونکې به د وزیر کلاه په سیمه کې د کوچیانو ماشومانو لپاره یو بل ځانګړی ښوونځی هم تاسیس شي.

د یادونې وړده، چې په لوګر کې دا مهال د کوچیانو ماشومانو لپاره د یوې لېسې په ګډون ۱۶ ځانګړي ښوونځي شتون لري.

Latest news

Fri, Jul 31 2020 6:00 AM
Background image

Eid Greetings

On behalf of the Ministry of Education of the Islamic Republic of Afghanistan, I would like to extend my heartfelt greetings on the special occasion of Eid-Ul-adha.

May we celebrate. . .

BACK TO NEWS