د پوهنې وزارت او ( I.H.H) خیریه بنسټ ترمنځ د افغان یتیمو ماشومانو  لپاره د تعلیمي کمپلیکس د جوړولو هوکړه لیک لاسلیک شو

media-moe
Thu, Aug 18 2022 9:38 AM
jhgf

(چهارشنبه،۱۴۴۴/۱/۱۹هـ.ق-۱۴۰۱/۵/۲۶هـ .ش)

د پوهنې وزارت او ( I.H.H) خیریه بنسټ ترمنځ د افغان یتیموماشومانو لپاره د یو ستر ښوونیز او روزنیز کمپلیکس د جوړولو هوکړه لیک د پوهنې وزارت د سرپرست وزیر محترم شیخ مولوي نورالله منیر او د یاد بنسټ د مرستیال ښاغلي (یعوذ دده)  ترمنځ د یولړ مراسمو په ترڅ کې لاسلیک شو.
یاد مراسم چې د قرآن عظیم الشان دڅو مبارکو ایاتونوپه تلاوت سره پیل شول، لومړی د پوهنې محترم وزیر صاحب د اسلام دمقدس دین له نظره د یتیمانو دتکافل او پالنې د اهمیت په  اړه تفصیلي وینا وکړه او د ترکیې هیواد د یاد خیریه بنسټ څخه یې  مننه وکړه، چې په کابل ښار کې یې د یتیمو افغان ماشومانو لپاره د یو ستر تعلیمي او روزنیز کمپلیکس د جوړولو اراده  کړېده. 
ورپسې د یاد بنسټ مرستیال ښاغلي (یعوذ دده) وینا وکړه او په خپله وینا کې یې  د بنسټ فعالیتونو ته اشاره وکړه او زیاته یې کړه، چې یاد بنسټ په نړۍ کې د یولک دیرش زره(۱۳۰۰۰۰)  یتیمانو مالي، تعلیمي  او روزنیز  تکافل په غاړه لري او غواړي چې په افغانستان کې خپل خیریه فعالیتونه نور هم پراخ کړي.
د یادونې وړ ده، چې په یاد کمپلیکس درسي ټولګي، لیلیه، مسجد، طعام خانه(خوړنځی) او د لوبو میدان شامل دي او په یو وخت کې  د زر(۱۰۰۰) تنو زده کوونکو د ځایو لو ظرفیت لري.
یاد مراسم د پوهنې وزارت د کیفیت د تضمین معینیت دسرپرست معین الحاج مولوي عبدالخالق صادق له لوري د دعائیې په لوستلو سره پای ته ورسیدل.

Latest news

Fri, Jul 31 2020 6:00 AM
Background image

Eid Greetings

On behalf of the Ministry of Education of the Islamic Republic of Afghanistan, I would like to extend my heartfelt greetings on the special occasion of Eid-Ul-adha.

May we celebrate. . .

BACK TO NEWS