د تخار او فاریاب ولایتونو د دیني مدارسو طلابو ترمنځ رقابتي آزموینه ترسره شوه
د تخار او فاریاب ولایتونو د دیني مدارسو له (۵۳۲) تنو ط/الب العلمانو څخه رقابتي آزموینه واخیستل شوه.
په هغه غونډه کې چې په همدې مناسبت د مرکز تالقان ښار د سید عبدالرحمن شهید تجربوي لېسې په انګړ کې جوړه شوې وه، لومړی د تخار ولایت پوهنې رئیس الحاج مولوي محمد اسماعیل ابو احمد د پوهنې وزارت د دارالعلمونو د رئیس مولوي عبدالقدوس قدوسي په مشرۍ ورغلي پلاوي ته ښه راغلاست ووایه او د صرف او نحوې د رقابتي سیالیو په تړاو یې هراړخیز معلومات وړاندې کړل.
ورپسې د پوهنې وزارت د اسلامي زده کړو معینیت د دارالعلومونو رئیس هم د موضوع په تړاو خبرې وکړې او د یادو علمي سیالیو استادانو او داورانو ته یې لازمې لارښوونې وکړې.
د يو بل خبر له مخې:
یاده آزموینه د فاریاب ولایت د مدارسو او دارالعلومونو له شاوخوا ۷۰۰ تنو زده کوونکو څخه د یو مؤظف پلاوي له لوري واخیستل شوه.
د يادونې وړ ده، چې دغه سيالۍ د اسلامي زده کړو معینیت د پلان له مخې په څلورو ولايتونو ( تخار، فاریاب، لغمان او غزني) کې په لاره اچول شوې دي.
