د غور پوهنې ریاست کې د بودجې جوړونې په تړاو ناسته تر سره شوه

media-moe
دوشنبه ۱۴۰۰/۲/۱۳ - ۱۶:۸
د غور پوهنې ریاست کې د بودجې جوړونې په تړاو ناسته تر سره شوه

پوهنې وزارت، غور: د غور ولایت پوهنې ریاست د بودجې جوړونې غونډه د دغه ولایت د ۱۱ اداري واحدونو په کچه د یاد ولایت د پوهنې ریاست سر پرست ، د برنامو امرانو ، د ولسوالیو د پوهنې امرانو او د ښوونکو په ګډون جوړه شوه.

د غور د پوهنې ریاست سر پرست استاد میراحمد حسیني په دې ناسته کې وویل: د پوهنې ریاست ځواب ویونکى ریاست دی او ژمن دی چې په مرکز ، ولسواليو او لیرې پرتو کلیو کې تعلیمي خدمات وړاندې کړي.

نوموړي د ولسوالیو د پوهنې امرانو ته د واک پر سپارلو ټینګار وکړ، ترڅو په بیلابیلو سکتورونو کې خپلې ستونزې او ننګونې حل کړي.

نوموړي زیاته کړه، د ولسوالۍ په کچه د بودیجې په جوړولو سره به د پوهنې چارواکي خپلې بودجې وویشي او خپلې ستونزې به حل کړي.

په دې ناسته کې د پوهنې ریاست د عمومي زده کړو امر ، د ښار د پوهنې ریاست چارواکو ، د ولسوالیو او ښوونځیو استازو هم خپلې ستونزې راپورته کړې او د پوهنې ریاست د لا ښه کيدو په موخه اړينې پريکړې و شوې.

تازه خبرونه

چهارشنبه ۱۴۰۰/۵/۶ - ۱۹:۲۴
Background image

بدخشان ولايت کې د پوهنې او فرهنګ سکتور ترمينځ غونډه جوړه شوه

پوهنې وزارت، بدخشان: د بدخشان ولایت پوهنې ریاست د ښووني او روزنې سکتوري غونډه د یاد ولایت د پوهنې رئيس ډاکټر روح الله محقق په مشرۍ د یاد ریاست د غونډو تالار کې جوړه شوه او د اړوندو. . .

چهارشنبه ۱۴۰۰/۵/۶ - ۱۶:۳۴
Background image

د هلمند ولایت په ټولو ښوونځیو کې د کلنۍ آزموینې د پاتې مضمونونو آزموينه پیل شوه

پوهنې وزارت، هلمند: د هلمند ولایت په ټولو دولتي او خصوصي ښوونځیو کې د کرونا ناروغۍ د دریمي څپې له امله د کلنۍ آزموینې د پاتې مضمونونو آزموينه بيرته پیل شوه.

د هلمند د پوهنې رئیس محمد. . .

چهارشنبه ۱۴۰۰/۵/۶ - ۱۴:۴۲
Background image

پکتیا ولايت کې یوه ښوونځي سره څوکۍ او ميزونه مرسته شول

پوهنې وزارت، پکتیا: د اریوب خیریه بنسټ له لوري د پکتیا ولایت ځاځي اریوب ولسوالۍ اړوند د عبدالقدیر ځاځي نجونو لېسې سره، د زرګونه افغانیو په ارزښت (۱۸۰) پایې میزونه او څوکۍ مرسته شوې.

د. . .

BACK TO NEWS