د پوهنې وزارت د دعوت او ارشاد ریاست پلاوي  د بادغیس له ولایت څخه لیدنه وکړه

media-moe
دوشنبه ۱۴۰۱/۷/۱۱ - ۱۰:۱۵
fgsdfgd

د پوهنې وزارت د دعوت او ارشاد ریاست پلاوي د هیواد د سړو سیمو ولایتونو ته د خپلو سفرونو په لړ کې خپل کاري پروګرام  (د امام مبلغ پیژنده، د شرعي امورو څارنه، د اداري چارو کتنه او د ستونزو او شکایتو اورېدنه) د بادغیس په ولایت کې ترسره کړ.
د دعوت او ارشاد ریاست رئیس مولوي عبدالحی حازم  او مل پلاوي د بادغیس ولایت ته له رسېدو سره سم د پوهنې له رئیس سره ناسته ترسره او د خپل سفر موخې یې ورسره شریکې کړې او په ۰۳/۰۳/۱۴۴۴ نېټه د بادغیس ولایت د پوهنې د رئیس په ګډون د بادغیس ښار د پوهنې آمر، د ولسوالیو د پوهنې آمرینو، د څارنې غړو، د ښوونځیو ذکور او اناث آمرینو او د پوهنې ریاست  نورو اړونده  کار کوونکو سره یې خپل کاري پروګرام  د یوې غونډې په ترڅ کې شریک کړ. د دعوت او ارشاد ریاست رئیس مولوي عبدالحی حازم غونډې ته د وینا په ترڅ کې له حاضرینو سره  خپل کاري پروګرام په لاندې ډول شریک کړ:
د سفر موخې:
۱ – د امام مبلغ پیژنده.
۲ – د شرعي امورو څخه څارنه او کتنه.
۳ – د اداري چارو څخه څارنه او کتنه.
۴ – د ستونزو او شکایتو اورېدنه.
۵ – د فرامینو او قوانینو ارزونه.
۶ – د نصاب او د قرآن کریم  د ترجمې  په اړه لازمې سپارښتنې کول.
د پورتنیو موخو د شريکولو تر څنګ د دعوت او ارشاد رئیس زیاته کړه، چې په اداراتو کې ګمارنه باید د تقوا او مسلکیتوب په نظر کې نیولو سره ترسره شي، د آمرینو له اوامرو څخه اطاعت وشي،  ټول کار کوونکي باید خپل  دندو ته پابند وي،ښځینه کارمندان او مراجعین باید  شرعی حجاب مراعات کړي، ټول کارکوونکي باید له رشوت، اختلاس، بد اخلاقي  او نورو غیر شرعي چارو څخه ډډه وکړي، له  بیت المال  او دولتي اجناسو سره باید پوره احتیاط وشي.
یاد پلاوي  د پوهنې ریاست له  تدریسي  آمریت څخه هم لیدنه وکړه او د کارمندانو  او مراجعینو ستونزې او شکایات یې واورېدل.

تازه خبرونه

شنبه ۱۴۰۱/۹/۱۲ - ۱۴:۳۵
Background image

د ولایاتو له پوهنې ریاستونو څخه لنډ خبرونه.

خوست:
د خوست ولايت د پوهنې رياست د ښوونې او روزنې آمر خيروګل خيرخواه د يو کاري ټيم په ملتيا د دغه ولايت باک ولسوالۍ ته سفر وکړ او د دغې ولسوالۍ له کلنيو ازموينو، اداري چارو او د دغه. . .

شنبه ۱۴۰۱/۹/۱۲ - ۱۳:۳۶
Background image

له ولایاتو څخه د پوهنې لنډ خبرونه

پنجشیر:
د پنجشير د پوهنې رياست د اسلامي زده کړو د آمریت مسلکي غړي مولوي مطيع الله جواد د دغه ولايت د حصه اول ولسوالۍ د عمر ابن الخطاب د دارالعلوم  له کلنۍ ازموينې څخه د ليدنې په وخت کې. . .

شنبه ۱۴۰۱/۹/۱۲ - ۱۰:۳۹
Background image

د سمنګان ولایت په جهادي مدرسه کې د چاودنې د تقبیح او له قربانیانو سره د تسلیت په اړه د ا.ا.ا د پوهنې وزارت اعلامیه

په خواشینۍ سره مو خبر ترلاسه کړ، چې تیره ورځ چهارشنبه د سمنګان ولایت په مرکز ایبک ښار کې د یاد ولایت په جهادي مدرسه کې چاودنه ترسره شوه، چې له امله یې زمونږ یو شمیر مظلوم هیوادوال. . .

BACK TO NEWS