له مرکز او ولایتونو څخه د پوهنې خبرونو لنډيز

media-moe
شنبه ۱۴۰۲/۹/۱۱ - ۱۰:۱۴
14

ننګرهار

د ننګرهار ولایت خوګیاڼیو ولسوالۍ کې د کمبو عالي لېسې بیارغونې چارې پیل شوې.

یاده پروژه چې پکې د ښوونځي د خونو، دروازو، دېوالونو او ځينو ويجاړ شويو برخو ترميمول شامل دي، مالي لګښت یې د ياد ولايت پوهنې رياست له بوديجې څخه ورکول کېږي.

د ننګرهار پوهنې رياست مسئولین وايي: په نیږدې راتلونکي کې به د دغه ولايت په مرکز او ولسواليو کې د يو شمېر نورو ښوونځيو بيارغونې چارې هم پيل کړي.

کندهار

د کندهار ولایت مرکز اړوند د اسلامي زده کړو په بنسټونو کې د ۹ زره خالي بستونو ډکولو په موخه، د آزموینې اخیستلو بهیر د یاد ریاست له لوري پیل شو؛ تر څو وړ کسان د دغه ولايت په ديني مدارسو کې د استادانو په توګه وګماري.

هلمند

د پوهنې په برخه کې یوه همکار بنسټ، د هلمند ولایت ښوونځیو او مدارسو د زده کوونکو او ښوونکو لپاره د ۲۱۵ ښوونیزو کڅوړو مرسته وکړه.

د هلمند پوهنې رياست له ياد همکار بنسټ څخه د مننې ترڅنګ ژمنه وکړه، چې د ښوونځيو زده کوونکو ته به مرسته شوې کڅوړې په شفاف ډول ووېشي.

بلخ

د بلخ ولايت پوهنې رياست د ۵ خالي بستونو ډکولو په موخه، له ۲۳ تنو نوماندانو څخه آزموينه واخيسته، ټاکل شوې بریالي کسان په یادو بستونو کې د خدماتي کارکوونکو په توګه وګمارل شي.

کابل

د کابل ولایت پوهنې رئیس مولوي عبدالحق حقاني په یو رسمي سفر قرباغ ولسوالۍ ته ولاړ او د یادې ولسوالۍ د یو شمېر ښوونځیو اداري، ښوونیز او کلنیو آزموینو بهیر یې له نیږدې وارزاوه.

تازه خبرونه

یکشنبه ۱۴۰۲/۱۲/۶ - ۱۴:۲
Background image

د هېواد په يو شمېر ولايتونو کې د ديني مدارسو د زده کوونکو فراغت غونډې تر سره شوې

په ارزګان ولایت کې د سعادة العمریة او الفرقانیة له دارالعلومونو، کندهار ولایت کې د خالد بن ولید (رضي الله عنه) له مدرسې او په خوست ولایت کې له جامعة مدینة مدرسې څخه لسګونه حافظان او ط. . .

یکشنبه ۱۴۰۲/۱۲/۶ - ۱۳:۳۴
Background image

د ځينو ولایتونو له پوهنې ډګره د خبرونو لنډيز

نیمروز، ارزګان او لوګر:

د پوهنې وزارت د ساینس مرکز ریاست پلاوی نیمروز، ارزګان او لوګر ولایتونو ته په رسمي سفر تللی او د یادو ولایتونو د پوهنې له رئیسانو او مشرانو سره یې د لیدنې پر. . .

یکشنبه ۱۴۰۲/۱۲/۶ - ۱۳:۲۹
Background image

په جوزجان ولايت کې یو باب ښوونځی پرانیستل شو

د جوزجان ولایت خواجه دوکوه ولسوالۍ اړوند په چوغان کلي کې، یو باب لومړنی ښوونځی د یو لړ مراسمو په ترڅ کې د پوهنې رئیس، علماوو، قومي مخورو او د سیمې د خلکو په ګډون پرانیستل شو.

د یاد. . .

BACK TO NEWS