له ولایاتو څخه د پوهنې لنډ خبرونه

media-moe
شنبه ۱۴۰۱/۹/۱۲ - ۱۳:۳۶
ghjk

پنجشیر:
د پنجشير د پوهنې رياست د اسلامي زده کړو د آمریت مسلکي غړي مولوي مطيع الله جواد د دغه ولايت د حصه اول ولسوالۍ د عمر ابن الخطاب د دارالعلوم  له کلنۍ ازموينې څخه د ليدنې په وخت کې د دغه دارالعلوم له تدریسي او اداري چارو څخه هم لیدنه وکړه.
کندهار:
د OCCD موسسې مسوولینو د کندهار ولایت د ډنډ ولسوالۍ د پوهنې آمریت سره په همغږۍ د یاد ولایت د پوهنې د وضعیت د ښه والي په موخه غونډه وکړه.
په دې کتنه کې چې د پوهنې ریاست مسوولینو، دیني عالمانو او د خلکو استازو په کې ګډون کړی و، د پوهنې او همدارنګه د ښوونې او روزنې پر ارزښت یې خبرې وکړې او د یادې موسسې پر ملاتړ یې ټینګار وکړ.
سمنګان:
ملا حکمت الله حنفي د سمنګانو د پوهنې ریاست د عمومي زده کړو آمر او د ښوونیز څارنې له مسوولینو سره یو ځای د خواجه اسماعیل د هلکانو او د شهر قدیم د نجونو له لېسو څخه لیدنه وکړه.
په دې لیدنه کې نوموړي د اداري او تدریسي چارو تر څنګ د ازموینو پر روڼتیا هم ټینګار وکړ.
لوګر:
د IRC موسسې مسوولینو د لوګر ولایت د پوهنې له رئیس مولوي جنت ګل عزیز سره وکتل او د دوی د پروګرامونو په پلي کولو کې یې د دې ادارې د دوامداره مرستو له امله مننه وکړه.
له بلې خوا د لوګر د پوهنې رئیس د دې ادارې له مرستو د مننې په ترڅ کې له دوی وغوښتل چې د پوهنې د قوانینو په رڼا کې له دې دولتي ادارې سره خپلو مرستو ته دوام ورکړي.
د يو بل خبر له مخې:
د لوګر د پوهنې ریاست مسوولین وايي: د IRC موسسې په مالي مرستو یې د دغه ولایت د ۱۷۰ ښوونځیو ښوونکو ته د ظرفیت لوړونې روزنیز سیمینار جوړ کړ.
د دوی په خبره، په دغه ۱۱ ورځني سمینار کې استادانو ته د کیفیت لوړونې په موخه د تدریس بېلابېل مېتودونه ور زده کړل.

تازه خبرونه

چهارشنبه ۱۴۰۱/۱۱/۱۲ - ۱۲:۰
Background image

له ولایتونو څخه د پوهنې لنډ خبرونه

لغمان

د لغمان ولایت د پوهنې رئیس مولوي شاه جهان ساجد په دغه ولایت کې د پوهنې د ودې په موخه په جوړه شوې غونډه کې د اسلامي امارت له بریا وروسته د پوهنې په برخه کې د ترسره شویو فعالیتونو. . .

چهارشنبه ۱۴۰۱/۱۱/۱۲ - ۹:۴۶
Background image

له ولایتونو څخه د پوهنې لنډ خبرونه

دایکندي

د دايکنډي ولايت د پوهنې رئيس مفتي رحمت الله مدثر او ورسره پلاوي د دغه ولايت له امنيه قوماندان الحاج ملا عبدالحکيم رفيع الله سره وکتل او په دې ولايت کې يې د پوهنې او سواد زده. . .

سه‌شنبه ۱۴۰۱/۱۱/۱۱ - ۱۱:۵۱
Background image

د کابل له پوهنې ریاست څخه د یوې ورځې د فعالیتونو لنډ راپور

د OCCD موسسې مسوولینو د کابل ولایت د سروبي ولسوالۍ د پوهنې آمر مولوي عبدالله عابد سره په لیدنه کې د دې ولسوالۍ په لرو پرتو سیمو کې د ۵۰ سیمه ییزو او چټکو زده کړو ټولګیو د جوړولو خبره. . .

BACK TO NEWS