له ولایتونو څخه د پوهنې لنډ خبرونه.

media-moe
سه‌شنبه ۱۴۰۱/۹/۸ - ۱۰:۷
dsfg

کاپیسا:
د کاپيسا ولايت د مرکز او د لومړۍ حصې او دویمې حصې والسوالیو د ښوونځيو د آمرینو، مديرانو او د ښوونځیو د شوراګانو د غړو لپاره د پاملرنې د موسسې له خوا د ښوونځيو د پراختيا لپاره د منابعو د راغونډولو تر عنوان لاندې درې ورځنى ښوونيز ورکشاپ جوړ شو.
د دې ولایت د پوهنې رئیس مولوي محمد فرید حقاني د پوهنې په برخه کې د پاملرنې موسسې او نورو بنسټونو له مرستو څخه مننه وکړه او د شوراګانو له غړو یې وغوښتل چې د ښوونځیو د اداري او تدریسي چارو د ښه والي په برخه کې هر اړخیزي مرستي وکړي. .
کندهار:
په هغه لويه غونډه کي چي د کندهار ولايت د پورته میوند او کښته میوند ولسواليو د ديني عالمانو، دولتي چارواکو او د سيمي د خلکو په ګډون جوړه شوې وه، د پوهني مسوولينو د دغه ولايت د پوهني له رئيس مولوي فخرالدين نقشبندي سره خپلي ستونزي او وړانديزونه شريک کړل.
لغمان:
د لغمان ولایت د ځوانانو چارو آمریت شپږ زره ټوکه درسي کتابونه راټول او د دغه ولایت د پوهنې مسوولینو ته یې وسپارل، ترڅو د شهید مولوي حبیب الرحمن لېسې زده کوونکو ته ورکړل شي.
د لغمان ولایت د پوهنې ریاست مسوولینو د خپلو ځوانانو دغه نیک اقدام د ستاینې وړ وباله او د ستاینلیکونو په ورکولو سره یې مننه وکړه.
لوګر:
د یونیسف ادارې د لوګر ولایت په مرکز او ولسوالیو کې د لسو ښوونځیو لپاره د اوبو څاګانې، لمریزې برېښنا او تشنابونه جوړوي.
 د دغه ولایت د پوهنې چارواکي وايي: د لوګر د پوهنې ریاست د انجینرۍ ټیم له خوا د سروې له بشپړیدو وروسته به د دغو پروژو عملي کار پیل شي.
پنجشیر:
د پنجشېر ولايت د پوهنې رياست د ارزونې او څارنې ښوونیز ټيم د دغه ولايت د مرکز اړوند د عنابې او بازارک ولسواليو په يو شمېر ښوونځيو کې د اداري، تدريسي او کلنیو ازموينو له بهير څخه څارنه وکړه او مسوولينو ته يې د دغه ولايت د پوهنې د ښه والي په موخه لازمې لارښوونې وکړې.

تازه خبرونه

چهارشنبه ۱۴۰۱/۱۱/۱۲ - ۱۲:۰
Background image

له ولایتونو څخه د پوهنې لنډ خبرونه

لغمان

د لغمان ولایت د پوهنې رئیس مولوي شاه جهان ساجد په دغه ولایت کې د پوهنې د ودې په موخه په جوړه شوې غونډه کې د اسلامي امارت له بریا وروسته د پوهنې په برخه کې د ترسره شویو فعالیتونو. . .

چهارشنبه ۱۴۰۱/۱۱/۱۲ - ۹:۴۶
Background image

له ولایتونو څخه د پوهنې لنډ خبرونه

دایکندي

د دايکنډي ولايت د پوهنې رئيس مفتي رحمت الله مدثر او ورسره پلاوي د دغه ولايت له امنيه قوماندان الحاج ملا عبدالحکيم رفيع الله سره وکتل او په دې ولايت کې يې د پوهنې او سواد زده. . .

سه‌شنبه ۱۴۰۱/۱۱/۱۱ - ۱۱:۵۱
Background image

د کابل له پوهنې ریاست څخه د یوې ورځې د فعالیتونو لنډ راپور

د OCCD موسسې مسوولینو د کابل ولایت د سروبي ولسوالۍ د پوهنې آمر مولوي عبدالله عابد سره په لیدنه کې د دې ولسوالۍ په لرو پرتو سیمو کې د ۵۰ سیمه ییزو او چټکو زده کړو ټولګیو د جوړولو خبره. . .

BACK TO NEWS