د پوهنې وزارت د مقام د دفتر لوی رئیس په یو رسمي سفر لوګر ولایت ته ولاړ
د پوهنې وزارت د مقام د دفتر لوی رئیس الحاج مولوي شهاب الدین «ثاقب» په مشرۍ يلاوی، په داسې حال کې چې د یاد وزارت د ودانیو او ملکیتونو د ساتنې او مراقبت رئیس مولوي سمیع الحق حماس یې هم ملتیا کوله، لوګر ولایت ته ورسېد.
ټاکل شوې چې دغه پلاوی د یاد ولایت له چارواکو او علماء کرامو سره د یو شمېر ښوونځیشو د غصب شویو ځمکو په اړه د ناستو ترڅنګ، د پوهنې اړوندو ملکیتونو په اړه چې په دغه ولایت کې تر عدلي تعقیب لاندې دي، د ستونزو د حل په موخه مشورتي غونډه وکړي.
د لوګر ولایت پوهنې رئیس الحاج عبدالرحمن حمیدي پلاوي ته د ښه راغلاست پرمهال ژمنه وکړه، چې یاد ولایت ته به د دغه پلاوي د سفر د آجنډا په پلي کولو کې هر اړخیزه همکاري کوي.
