دننګرهار ولایت په تودو سیمو کې دښوونځیو کلنۍ ازموینې پېل شوې

media-moe
پنجشنبه ۱۳۹۸/۳/۲ - ۱۱:۳۸

دازموینو دپېل په مراسمو کې چې د جلال اباد ښار په بي بي زینب لېسه کې جوړ شوي وه د پوهنې ریس حسیب الله شینواري په خپلو خبرو کې لومړی زده کوونکو او ښوونکو ته د یو ښوونیز کال د پای ته رسیدو له امله مبارکي وویله او هیله یې وکړه چې ازموینې به د صمیمیت په فضا کې تیرې شي .
دپوهنې ریس ښوونکي او امنیتي ځواکونه د هیواد رښتیني بچیان یاد کړل ویې ویل امنیتي ځواکونه په خورا مېړانه او سرښندنه د هیواد ملي او اسلامي ارزښتونو ساتنه کوي او ښوونکي ددې وطن نسل له تیارو راوباسي او ټولنې ته یې د یو سالم او په کار پوه انسان په توګه د خدمت لپاره وړاندې کوي.
دپوهنې ریس ښوونکو ته په خطاب کې وویل ازموینه نه یوازې داچې د زده کوونکو د پوهې کچه معلوموي بلکې دښوونکو لپاره یوه ارزونه هم ده او ښوونکي باید له هرې ازموینې وروسته د ځان ارزونه وکړي چې څومره په خپلو درسي پلانونو او زده کوونکو ته دپوهې او تجربو په لیږد کې بریالي او یا پاتې راغلي دي. هغه همدا راز د دولسمو ټولګیو نجونو زده کوونکو ته په خطاب کې وویل تاسو باید ددولسم ټولګي په فراغت بسنه ونکړئ، بلکې اوسمهال په افغانستان کې د لوړو زده کړو ترسره کولو لپاره ګڼې اسانتیاوې رامنځته شوي او نجونې باید له دې اسانتیاوو ګټه پورته کړي.
هغه همدا راز وویل افغانستان دا مهال لوستو میرمنو ته په بېلابېلو برخوکې اړتیا لري او څومره چې نجونې خپلې لوړې زده کړې تر سره کوي په هماغه کچه ورته د خدمت کولو زمینې هم برابریږي.
حسیب الله شینواري وویل سږ کال د ننګرهار ولایت دتودو سیموېه (۶۲۳) بابه ښوونځیو کې کلنې ازموینه تر سره کیږي چې پکې د(۲۰۸۴۹۲) تنو نجونوپه ګډون (۵۷۷۹۷۷) تنه زده کوونکي برخه لري او ددغو زده کوونکو دازموینې بهیر د (۱۶۳۳) تنو میرمنو په ګډون د (۱۱۲۰۰) تنو ښوونکو له لورې پر مخ بیول کیږي.
ټاکل شوې چې دا ازموینې د روانې جوزا میاشتې پر نولسمه نیټه پاې ته ورسیږي.

تازه خبرونه

یکشنبه ۱۳۹۸/۶/۳۱ - ۱۲:۵۰
Background image

په خوست کې د زده کوونکو تر مینځ د ساینسي تجربو سیالۍ تر سره شوه

پوهنې وزارت_خوست : د خوست ولایت  اسمعیل خیلو اومندوزیو ولسوالۍ د څلورو لېسو ترمنځ د ساینسي تجربو سیالۍ او د زده کوونکو له لوري جوړ شوي موډلونه نندارې ته وړاندې شول.
په هغه پروګرام کې چې. . .

یکشنبه ۱۳۹۸/۶/۳۱ - ۱۲:۴۴
Background image

د لغمان د پوهنې ریاست کارکوونکو  ته د ظرفیت لوړونې ورکشاپ جوړ شو

پوهنې وزارت_لغمان: د لغمان د پوهنې ریاست ۲۵ تنو کارکونکو  ته د ظرفیت لوړونې دوه ورځني ورکشاپ جوړ شو.
یاد ورکشاپ د پوهنې وزارت د بشری سر چینو عمومی ریاست له خوا او لغمان پوهنې ریاست په. . .

یکشنبه ۱۳۹۸/۶/۳۱ - ۱۲:۴۴
Background image

په کونړ کې  د ممتازو زده کوونکو څخه د لیاقت آزموینه واخیستل شوه

پوهنې وزارت_کونړ: د کونړ ولایت د پوهنې رياست اړوند  د مرکز او ولسواليو د ښوونځيو ممتازو زده کوونکو څخه د لياقت ازموينه واخيستل شوه. 
هغه غونده، چې د نوموړې از موینې د اخیستلو په موخه. . .

BACK TO NEWS