د افغانستان له ښوونې او روزنې څخه د ملاتړ په موخه د ناروې او افغانستان د پوهنې وزيرانو ليدنه

media-moe
یکشنبه ۱۳۹۸/۱/۲۵ - ۱۶:۹
پوهنې

د پوهنې وزارت- واشنګټن: ډاكټر محمد ميرويس بلخي د پوهنې وزارت سرپرست امريكا ته د خپل رسمي سفر په ترڅ كې د ناروې هيواد د پوهنې وزير دګيو لستين سره په ليدنه كې د افغانستان له ښوونې او روزنې څخه د ملاتړ په موخه خبرې اترې وكړې.

دغه ليدنه د تعليم په تمه نه پاتې كيږي ECW ټولني د ارشدو مديرانو د مركزي سمينار په يوه څنډه كې ترسره شوه.

په ياده ليدنه كې د پوهنې وزارت سرپرست ډاكټر محمد ميرويس بلخي د افغانستان د ښوونې او روزنې د كيفيت د لوړوالي په موخه د دې وزارت د هڅو يادونه وكړه او په دې برخه كې يې د ناروې هيواد د لازياتو همكاريو په جلبولو ټينګار وكړ.

د پوهنې سرپرست وزير د افغانستان د تعليمي سيستم د بدلون لپاره په نوي تعليمي نصاب كار كوول د خپلو اساسي كړنو او اقداماتو څخه ياد كړل.

ښاغلي بلخي د افغانستان شرايطو ته په كتو سره د دې هيواد د تعليمي سيستم په ځانګړي ډول د تعليمي نصاب په برخه كې د ناروې هيواد پر مرستو ټينګار وكړ.
د پوهنې وزارت رهبرۍ په دوو يعني تخنيكي او نصاب برخو كې د ناروې هيواد د ملاتړ غوښتنه وكړه او ياد ملاتړ يې په دې برخو كې اغيزناك وباله.

په دې ليدنه كې د ناروې هيواد د پوهنې وزير دګيو لستين د پوهنې وزارت د كړنو چې ښوونځيو ته د ماشومانو د متوازن لاسي په برخه كې يې كړې قدرداني وكړه او د افغانستان له ماشومانو سره يې په دې برخه كې د خپل هيواد د لازياتو مرستو ژمنه وكړه.

د ناروې د پوهنې وزير زياته كړه چې د تعليمي نصاب په برخه كې د مرستو له څېړلو وروسته به د دې هيواد ملاتړ او همكاري په نورو تعليمي برخو كې لا ګړندۍ او زياتې شي.

د يادونې وړ ده چې د هيواد د پوهنې سرپرست وزير ډاكټر محمد ميرويس بلخي ( د تعليم په تمه نه پاتې كيږي )ECW ټولنې په مركزي سمينار كې د ګډون، د نړۍ د پيژندل شويو او اكاډميكو څېرو سره د ليدو او په افغانستان كې د ښوونې او روزنې لپاره د مرستو د جلبولو په موخه د روان كال د وري د مياشتې په ۲۲ نېټه د امريكا متحده ايالاتو ته سفر كړى.

تازه خبرونه

پنجشنبه ۱۳۹۸/۹/۲۱ - ۱۰:۹
Background image

ترکیې هیواد به ډیر ژر په جلال اباد کې د هلکانو تر څنګ دنجونو لپاره هم یوه لېسه پرانیزي

د پوهنې وزارت_ننګرهار: جلال اباد ته د ترکیې هیواد د معارف بنسټ راغلي پلاوي د بي بي حوا عالي لېسې د روان ښونیز بهیر نه د لیدنې پرمهال وویل د ترکیې هېواد د معارف بنسټ په پام کې لرې چې د. . .

پنجشنبه ۱۳۹۸/۹/۲۱ - ۱۰:۹
Background image

د لوګر د پوهنې سرپرست رئیس د پوهنې ښاري آمریت له کارکوونکو سره وکتل

د پوهنې وزارت_لوګر: د لوګر د پوهنې سرپرست رئیس نثار احمد سیدي د پل علم ښار د پوهنې ښاري آمریت له آمر او کارکوونکو سره لیدنه وکړه.
په دې لیدنه کې لومړی د پوهنې ښاري آمر او ورسره راغلو. . .

چهارشنبه ۱۳۹۸/۹/۲۰ - ۲۱:۵
Background image

پوهنې وزیر د بدخشان یمګان ولسوالۍ د ښوونې او روزنې ستونزو پر حل ژمنه ورکړه.

پوهنې وزارت- کابل: پوهنې وزیر ډاکتر محمدمیرویس بلخي د بدخشان یمګان ولسوالۍ له یو شمیر ځوانانو سره په لیدنه کې د یادې ولسوالۍ د ښوونې او روزنې ستونزو پر حل او څار ژمنه ورکړه.

دا لیدنه. . .

BACK TO NEWS