د زابل د عالي دارالمعلمین د ودانۍ د بنسټ ډبره کښېښودل شوه

media-moe
پنجشنبه ۱۳۹۸/۷/۱۸ - ۱۰:۶
د زابل د عالي دارالمعلمین د ودانۍ د بنسټ ډبره کښېښودل شوه

د پوهنې وزارت_زابل: دزابل ولایت د عالي دارالمعلمین د ودانۍ د بنسټ ډبره دنوموړی ولایت والي رحمت الله زیارمل او د پوهنې رییس نصرالله زاهد لخوا په داسي حال کې چې د دولتي ادارو یو شمیر مسوولینو، د ولایتي شورا استازو قومي مشرانو دیني عالمانو او مدني فعالانو ګډون درلود کیښودل شوه .
په هغه غونډه کې چې د همدې امله جوړه شوی وه ، د زابل والي رحمت الله یارمل وویل: یاده ودانۍ به پاخه او اساسي ډول په دریو پوړنو کې د ۴۱،۹ میلیونه افغانۍ په لګښت چې د ښارجوړونې وزارت له لوري ورکول کیږي دیو کال په موده کې جوړیږی ، چې ۴۸ درسي او اداري خوني او نور ښوونیږ اسانتیاوي لري .
یارمل زیاته کړه چې دا ودانۍ پر یوه وخت د ۲۵۰۰ زده کوونکو د تدریس ظرفیت لري چې په جوړیدو سره به یې د دارالمعلمین زده کړیالانو ته د ښې زده کړې زمینه مساعده شي.
همدارنګه د پوهنې رییس نصرالله زاهد وویل: چې د پوهنې ریاست په چوکاټ کې د زابل په کچه ۳۵ د ښوونځیو او زده کړییزو مرکزونو ودانۍ تر کار لاندې دي چې په جوړیدو سره به يې په دې برخه کې پرمختګ رامنځ ته شي، ده وویل له تیرو څو کلونو راهیسي د زابل په عالي دارالمعلیمن کې زده کوونکي په زده کړو بوخت وو خو کومې اسانتیاوي چې لازمې وې نه يې درلودې، خو ددې ودانۍ په جوړیدو سره به د خویندو او وروڼو دا ستونزه حل شي.
په ورته وخت د زابل د ولایتي شورا مرستیال اسدالله کاکړ وویل د زابل ولسونه ډیر خوشحاله دي چې نن د کلات ښار کې د عالي دارالمعلمين د ودانۍ د بنسټ ډبره ايښودل کیږي په دې سره به زابلیانو د ښوونکو د روزنې یوه معیاري مرکز ولري.
کاکړ زیاته کړه چې د دې او داسې نورو پروژو په پلي کولو کې د ولایت مقام او د پوهنې ریاست د مسؤلینو هڅې د ستاینې وړ دي او موږ به یې همکاره و اوسو.
د یادونې وړده چې د کلات ښار ترڅنګ په یوه شمېر ولسوالیو کې هم عالي دارالمعلمین خپلې څانګې لري چې هلته خپل تدریسي فعالیت کوي

تازه خبرونه

چهارشنبه ۱۳۹۸/۱۱/۳۰ - ۱۲:۵۳
Background image

لوګر کې خلکو د نجونو یوه ښوونځي ته دوه درسي ټولګي جوړ کړي

د پوهنې وزارت_لوګر: د لوګر په مرکز پل علم پورې اړوند د شهیدې سعدې د نجونو لېسې ته د زده کوونکو د کورنیو غړو دوه درسي ټولګي جوړ کړي.
د یادو درسي ټولګیو پر جوړولو شاوخوا ۱۰۰ زره افغانۍ. . .

چهارشنبه ۱۳۹۸/۱۱/۳۰ - ۱۲:۵۱
Background image

د ننګرهار ولایت د سړوسیمو ښوونځیو کې به (افغان ماشومان یې لولي) نصاب تطبیق شي

د پوهنې وزارت_ننګرهار: د ننګرهار ولایت د پوهنې ریاست اړوند د سړو سیمو د ښوونځيو دڅارنې امرینو او دارالمعلمین استادانو ته د کریټیف موسسې له خوا شپږ ورځنی روزنیز ورکشاپ د جلال اباد په ښار. . .

سه‌شنبه ۱۳۹۸/۱۱/۲۹ - ۱۲:۲۳
Background image

د ښځو او ماشومانو د حقونو څیړنیز بنسټ د پوهنې وزیر سره په لیدنه کې د جندر ملي کمیټې د ترسره کیدو څخه خبر ورکړ

پوهنې وزارت- کابل: د ښځو او ماشومانو حقونو څيړنیز بنسټ د پوهنې وزیر سره په یوه لیدنه کې، په یاد بنسټ کې د جندر ملي کاري کمیټې د ترسره کیدو څخه خبر ورکړ.

دا لیدنه چې د پوهنې وزارت په. . .

BACK TO NEWS