د لوګر په ښوونځیو کې ۵۶۴ حق الزحمه ښوونکي ګومارل کېږي

media-moe
چهارشنبه ۱۳۹۷/۱۲/۱۵ - ۱۴:۳
moe

د لوګر د پوهنې ریاست په خپلو ښوونځیو کې د ۵۶۴ نارینه او ښځینه حق الزحمه ښوونکو د ګومارنې لپاره ازموینه واخېسته.

د یادې ازموینې د پیل په مراسمو کې د پوهنې رئیس عبدالوکیل کلیوال، تدریسي مرستیالې مینه سادات او د پوهنې یو شمېر نورو چارواکو برخه لرله.

یاده ازموینه د پوهنې وزارت د لارښوونې له مخې واخېستل شوه، چې پایلې به یې د راتلونکې اوونۍ په پیل کې اعلان شي.

په دې ازموینه کې د ۲۹۷ میرمنو تر څنګ ۱۵۸۵ کسانو ګډون کړی وو،چې له ډلې به یې ۵۶۴ تنه د حق الزحمې ښوونکو په توګه پر دنده وګومارل شي.

د لوګر د پوهنې رئیس عبدالوکیل کلیوال د ازموینې د پیل په مراسمو کې وویل، چې دغه ښوونکي په ښوونځیو کې د ښوونکو کمښت ستونزې هوارولو په موخه استخدامیږي.

د پوهنې رئیس زیاته کړه، چې د دغو ښوونکو په ګومارلو سره به په ښوونځیو کې د ښوونکو د کموالي ستونزه تر ډېره حل شي.  

لوګر دا مهال ۲۷۴ ښوونځي لري،چې ډېری ښوونځي د کافي تشکیلاتو د کموالي له امله د ښوونکو له کمښت سره مخ دي.

په یادو ښوونځيو کې ټول ټال ۳۵۴۷ رسمي ښوونکي پر دندو بوخت دي، چې شاوخوا ۵۳۰ یې ښځینه ښوونکې دي.

د یادونې وړده،چې تېرکال هم د لوګر په ښوونځیو کې ۴۵۰ تنه حق الزحمه ښوونکي پر دندو ګومارل شوي وو.

تازه خبرونه

سه‌شنبه ۱۳۹۸/۵/۲۹ - ۱۲:۴۴
Background image

خبري اعلامیه

پوهنې وزارت _ کابل : تېره شپه شاوخوا ۱:۳۰ بجه د کابل ولایت په شکردرې ولسوالۍ کې د بویه زار ناصري د نجونو لیسې اداره؛ د نامالومو کسانو لخوا سوځول شوې ده. تر دې مهاله د یادې لیسې د ادارې. . .

سه‌شنبه ۱۳۹۸/۵/۲۹ - ۱۰:۱۹
Background image

دخپلواکۍ سلمه کلیږه د میدان وردک په ولایت کې د یو لړ شاندارو مراسمو په ترڅ کې ولمانځل شوه

دپوهنې وزارت_میدان وردک:  د میدان وردک ولایت د پوهنې رياست د خپلواکۍ سلمه کلیزه ديولړشانداره  مراسمو په ترڅ کې ولمانځله.
یاد پروګرام دپوهنې رئیس دوکتور محمدسعید منصور په رهبرۍ او پوهنې. . .

سه‌شنبه ۱۳۹۸/۵/۲۹ - ۱۰:۱۹
Background image

په خوست کې د هیواد د خپلواکۍ سلمه کلیږه ولمانځل شوه

د پوهنې وزارت_خوست:  دخو ست  ولایت  اسمعېل خېلو مندوزیو ولسوالۍ اړوند د ټولو ښوونځیو زده کوونکو د خپلواکۍ سلمه کالیزه د یادې ولسوالۍ دڅړبڼ لېسې په انګړ کې  ونمانځله.
په یادو مراسمو کې د. . .

BACK TO NEWS