د هېواد له ولایتونو څخه د پوهنې لنډ خبرونه

media-moe
چهارشنبه ۱۴۰۱/۱۱/۵ - ۹:۵۸
د هېواد له ولایتونو څخه د پوهنې لنډ خبرونه.

لوګر:
د HHOA موسسې ولایتي دفتر د لوګر ولایت د پوهنې ریاست په مرسته په دغه ولایت کې سلګونو بې سواده او کم لوستو کسانو ته د لوستلو او لیکلو زمینه برابروي.
 د چارواکو په وینا دغه موسسه په پام کې لري، چې د ۹ میاشتو لپاره د سواد زده کړې ۷۰ ټولګي جوړ کړي او د ۹۶۰ ښځو په ګډون ۱۰۵۰ کسانو ته روزنه ورکړي.
ننګرهار:
د ننګرهار د پوهنې ریاست د تعلیمي، علمي او مسلکي څارنې غړو د دې ولایت د لعلپور ولسوالۍ د پوهنې د څارنې مسوولینو سره په همغږۍ د چکنور او ګلداک د نارینه او ښځینه لېسو اداري او تدریسي چارې له نږدې وڅېړلې او دغه راز یې د یادو لیسو د ازموینو بهیر یې له نږدې وڅارلې.
فراه:
په فراه ولايت کې د يونيسف سيمه ييز دفتر د دغه ولايت د پوهنې رياست سره د ۷۸ خیمو مرسته کړې او د پوهنې له مسوولينو څخه یې غوښتنه کړې چې دغه خيمې دې هغو ښوونځيو ته ورکړي چې درسي خوني نه لري او زده کوونکي يې په ازاده فضا کې زده کړې کوي.
نیمروز:
د نیمروز ولایت د پوهنې رئیس حاجي ګل احمد حقاني او ورسره پلاوي د شهید ګل محمد د هلکانو لېسې اداري او تدریسي چارې یې وڅارلې او له استادانو یې وغوښتل، چې د ازموینو د شفافیت په برخه کې هڅې وکړي، ترڅو حق حقدار ته ورسیږي.
له همدې ولایت څخه د یو بل خبر له مخې:
د نيمروز ولايت د ښوونې او روزنې آمر مولوي ګلبدين شريفي او د زرنج ښار د پوهنې آمر حاجي فضل احمد اسلمي د عبدالرحمن لالا لېسې له اداري او تدريسي چارو څخه څارنه وکړه او د پوهنې په برخه کې د دې لېسې د مدير او ښوونکو له هڅو څخه یې مننه وکړه.

تازه خبرونه

چهارشنبه ۱۴۰۱/۱۱/۱۲ - ۱۲:۰
Background image

له ولایتونو څخه د پوهنې لنډ خبرونه

لغمان

د لغمان ولایت د پوهنې رئیس مولوي شاه جهان ساجد په دغه ولایت کې د پوهنې د ودې په موخه په جوړه شوې غونډه کې د اسلامي امارت له بریا وروسته د پوهنې په برخه کې د ترسره شویو فعالیتونو. . .

چهارشنبه ۱۴۰۱/۱۱/۱۲ - ۹:۴۶
Background image

له ولایتونو څخه د پوهنې لنډ خبرونه

دایکندي

د دايکنډي ولايت د پوهنې رئيس مفتي رحمت الله مدثر او ورسره پلاوي د دغه ولايت له امنيه قوماندان الحاج ملا عبدالحکيم رفيع الله سره وکتل او په دې ولايت کې يې د پوهنې او سواد زده. . .

سه‌شنبه ۱۴۰۱/۱۱/۱۱ - ۱۱:۵۱
Background image

د کابل له پوهنې ریاست څخه د یوې ورځې د فعالیتونو لنډ راپور

د OCCD موسسې مسوولینو د کابل ولایت د سروبي ولسوالۍ د پوهنې آمر مولوي عبدالله عابد سره په لیدنه کې د دې ولسوالۍ په لرو پرتو سیمو کې د ۵۰ سیمه ییزو او چټکو زده کړو ټولګیو د جوړولو خبره. . .

BACK TO NEWS