د ښوونځیو ترمینځ د واليبال تورنمنټ (زما ښوونځی زما راتلونکی) ترعنوان لاندې سيالۍ ترسره شوې
پوهنې وزارت، فراه: فراه ولایت کې د نجونو ښوونځيو ترمینځ د واليبال تورنمنټ
( زما ښوونځی زما راتلونکى)سيالۍ پیل شوې، د مرکز اړوند لس ښوونځیو زده کوونکو يو له بل سره سیالۍ وکړې، چې له یادو لسو ښوونځیو څخه یوازې نازو آنا او یزده ښوونځیو پای لوبې ته لار ومونده، چې په پای کې د یزده ښوونځي په ماتې سره بریا د نازو آنا ښوونځي د زده کوونکو په برخه شوه.
د پوهنې رئيس استاد وحید الله شېراني دواړه ټيمونو ته د مبارکۍ ترڅنګ په درسي چارو کې د لا برياليتوب غوښتنه وکړه او زياته يې کړه، چې ورزش د سلامتیا ضامن دی، ښاغلي شېراني له ټولو زده کونکو وغوښتل چې د خپلې سلامتیا بخاطر د زده کړو ترڅنګ، ورزش ته هم پاملرنه وکړي.
په پای کې يادو دوو ټيمونو ته د لا تشويق لپاره دوه جامونه او ورزشي توکي ورکړل شول.