کونړ کې د ښوونځیو شوراګانو ته روزنه ورکول کېږي

media-moe
یکشنبه ۱۳۹۸/۷/۲۱ - ۱۳:۴۷
کونړ کې د ښوونځیو شوراګانو ته روزنه ورکول کېږي

د پوهنې وزارت_کونړ: د کونړ ولایت شیګل او وټه پور ولسوالۍ د نجونو ښوونځيو اداري شورا غړو ته د ظرفیت لوړونې دري ورځنې روزنیز ورکشاپ جوړ شو.
نوموړي ورکشاپ د یادو شوراګانو د ظرفیت لوړونې، په ښوونځیو کې د ماشومانو د شمولیت او د پوهنې په وده او پیاوړتیا کې د ټولنې د ښکیلتیا په موخه جوړ شوي دې .
په دغه روزنیز ورکشاپ کې د یادو ولسوالیو د ښوونځيو د اداري شوراګانو شاوخوا ۳۰ تنه ښځینه غړي برخه لري، چې د ټولنیز خوځښت او شوراګانو ریاست د فعالیتونو، د ټولنیزو کړو وړو او د پوهنې په برخه کې د اړیکو د پیاوړي کولو، د پوهنې په اړه ټولنې ته د مثبت فکر ورکولو، د موجود او راتلونکي حالت د مدیریت، له محلي امکاناتو او سرچینو څخه د ګټې اخیستلو د څرنګوالي او یو شمېر نورو اړوندو موضوعاتو په تړاو روزنه ورکول کېږي.
د کونړ ولایت د پوهنې رییس استاد مجیب الرحمن همدرد د ورکشاپ د ګډونوالو نه غوښتنه وکړه، چې د ښوونځيو نه د پاتې شويو زده کوونکو په راجلبولو کې مرسته وکړي او نور ټول زده کوونکي د ښوونځيو د عامه شتمنۍ پر اهميت او ساتنه قانع کړي. د پوهنې رییس د شورا ګانو دغړو نه هیله وکړه ، چې د دې پروګرام نه ستره ګټه پورته کړي او په ډېر دقت، غور او ځيرکتيا سره يې پای ته ورسوي.
د ظرفیت لوړونې دغه ورکشاپ د متحده ایالاتو نړیوالي پر مختیایی اداري په مالي مرسته او د پوهنې وزارت د ټولنیز خوځښت او شوراګانو ریاست له لوري جوړ شوی دی.

تازه خبرونه

دوشنبه ۱۳۹۹/۴/۱۶ - ۱۶:۱۹
Background image

د پوهنې وزارت د دفتر رییس رسمأ معرفي شو

ډاکټر محمد سعید منصور د پوهنې وزارت د مشرتابه د وړاندیز په اساس او د ولسمشر د عالي مقام په منظوری د میدان وردګو ولایت د پوهنې د ریاست څخه تبدیل او د پوهنې وزارت د دفتر د رییس په توګه د. . .

دوشنبه ۱۳۹۹/۴/۱۶ - ۱۰:۵۱
Background image

د پوهنې وزارت د سلاکارانو د ګوښه کولو په هکله د پوهنې وزارت مطبوعاتي اعلامیه

له بده مرغه د پرون راهیسې په ټولنیزو رسنیو کې داسی آوازې دی چی د پوهنې وزارت سرپرستې، د دې وزارت ټول مشاورین له دندې ګوښه کړي دي. د پوهنې وزارت رهبري، ګرانو هیوادوالو او د معارف لویې. . .

یکشنبه ۱۳۹۹/۴/۱۵ - ۱۸:۰
Background image

په بدخشان او نورستان ولایتونو کې د دریو ښوونځیو جوړولو هوکړه لیکونه د هند سفارت سره لاسلیک شول

د پوهنې وزارت، کابل: د پوهنې وزارت، اقتصاد وزارت او په کابل کې د هند سفارت سره د درې پراختیايي پروژو هوکړه لیکونه د بدخشان او نورستان ولایتونو د نمایندګانو په شتون کې د یوه ګډ خبري. . .

BACK TO NEWS