په تېرو څلورو میاشتو کې د کابل ولایت له تعلیمي مرکزونو سره څه د پاسه ۵ مېلیونه افغانۍ مرسته شوې
د کابل ولایت پوهنې ریاست مسئولینو په وینا، د ۱۴۰۴ لمریز کال له پیل راهیسې، د کابل ولایت په ۱۴ ګونو ولسوالیو کې ښوونیزو مرکزونو ته په ټولیزه توګه ۵ مېلیونه ۱۷۰ زره ۵۲۵ افغانۍ مرسته ورکړل شوې ده.
یادې مرستې د ښوونځیو احاطوي دېوالونو جوړولو، د درسي خونو ترمیم او تجهیز، د ښوونځیو لپاره د کتابونو او اړینو تدریسي او اداري توکو پېرودلو، د اوبو او لمریزې برېښنا سیسټمونو نصب کولو کې په مصرف رسېدلې دي.
د کابل ولایت پوهنې رئیس محترم الحاج مولوي عبدالحق حقاني د یاد ولایت د تعلیمي ادارو له چارواکو او زدهکوونکو وغوښتل چې د خپلو ښوونځیو د توکو او تجهیزاتو په سالمه ګټه اخیستلو کې جدي واوسي.
