د کونړ ولایت دوو ښوونځیو کې نهه ټولګي جوړ شول

media-moe
Mon, Apr 12 2021 5:22 PM
ساخت ۹ صنف درسی در دو مکتب جداگانه ولایت کنر

پوهنې وزارت، کونړ: د کونړ ولایت پوهنې ریاست په چوکاټ کې د جاپان هېواد په مالي مرسته د ۱۱ میلیونه افغانیو په لګښت د شانتي موسسې لخوا د مرکز اسعد اباد په ځاګي او تېشې ښوونځیو کې نهه ټولګي جوړ شول او ترڅنګ یې د څښاک اوبه ، ۱۷۱ جوړې چوکې او میزونه او نورې اسانتیاوې هم برابرې شوې.

د کونړ والي محمد اقبال سعید د مرستندویه موسسو او په ځانګړي ډول د شانتي موسسې له مرستې مننه او قدردانی وکړ او زیاته یې کړه: په پام کې ده چې سږ کال د پوهنې وزارت له لوري د لسګونو نورو ښوونځیو ودانیزې چارې هم پیل شي.

د پوهنې رئیس مجیب الرحمان همدرد وویل: که څه هم دغه سرپناوې په لنډه موده کې جوړې شوي خو د پوهنې ریاست د څار په پایله کې د غوره کېفیت لرونکي دي چې کولی شو ډیر وخت ترې ګټه واخلو.

د ولایتي شورا رئیس ولایت خان مشواڼي ښوونه او روزنه د پرمختګ اساس او بنسټ وباله او له مرستندویه ادارو يې وغوښتل چې د پوهنې ملاتړ پاتې شي.

Latest news

Fri, Jul 31 2020 6:00 AM
Background image

Eid Greetings

On behalf of the Ministry of Education of the Islamic Republic of Afghanistan, I would like to extend my heartfelt greetings on the special occasion of Eid-Ul-adha.

May we celebrate. . .

BACK TO NEWS