د پوهنې وزارت د ښوونې او روزنې معین د WFP موسسې له استازو سره وکتل
د پوهنې وزرات د ښوونې او روزنې معین الحاج مولوي سخاء الله سعید نن سه شنبه په خپل کاري دفتر کې د WFP مؤسسې له مرستیالې آغلې شیرونګ لیو سره وکتل.
په پیل کې ښاغلي معین صاحب راغليو مېلمنو ته ښه راغلاست ووایه او د پوهنې په برخه کې یې د ټولو مرستندویو بنسټونو له مرستو او همکاریو څخه مننه وکړه.
ورپسې د WFP مؤسسې استازې په افغانستان کې د افغان ماشومانو لپاره په ښوونځیو کې په وخت سره د خوراکي توکو پر مرستو د ټينګار ترڅنګ له نوموړي وغوښتل، ترڅو د خوراکي توکو په رسولو کې ورسره مرسته وکړي. ښاغلي معین صاحب په دې برخه کې د هر ډول مرستې او همکاري ډاډ ورکړ.
