له ولایتونو څخه د پوهنې خبرونه
کندهار
د کندهار ولايت د ارغستان ولسوالۍ د پوهنې آمر د دې ولسوالۍ د مدارسو او دارالعلومونو له مسئولينو سره د ناستې په ترڅ کې ديني مدارسو ته د جدي پاملرنې په برخه کې د ا. ا. ا د مشرتابه د فرمانونو د عملي کولو په تړاو خبرې او لازمې سپارښتنې وکړې.
سرپل
د سرپل ولایت د پوهنې رئیس مولوي محمد رحماني د معلولو زده کوونکو له درسي ټولګیو څخه د لیدنې په ترڅ کې د هغوی ستونزې او وړاندیزونه له نږدي واورېدل.
نوموړي پر معلولو زده کوونکو د ۵۰۰۰ زرو افغانیو ترڅنګ ښوونیز توکي هم ووېشل.
میدان وردګ
د میدان وردګ ولایت د پوهنې ریاست د یوې ازادې سیالۍ په ترڅ کې له ۲۵۳ تنو ښوونکو څخه ازموینه واخیسته.
د لوړو نمرو ترلاسه کوونکي به د مرکز او ولسوالیو په دیني مدارسو کې د ښوونکو په توګه وګومارل شي.
بغلان
د بغلان ولایت د پوهنې رئیس الحاج مولوي محمد نور عزیزي د ده صلاح ولسوالۍ د سنګبران د انجونو او هلکانو د ښوونځیو له اداري فعالیتونو څخه د څارنې پر مهال له ښوونکو وغوښتل چې د پوهنې کیفیت ته په ښه توګه پاملرنه وکړي.
همدارنګه: د بغلان ولایت د پوهنې رئیس الحاج مولوي نورمحمد عزیزي د ده صلاح ، بنو او پل حصار ولسوالیو د ښوونکو د رقابتي ازموینو په مراسمو کې ګډون وکړ.
لغمان
د لغمان ولایت د قرغیو ولسوالۍ د پوهنې آمر د ښوونځیو له آمرینو او مدیرانو سره د یوې غونډې په ترڅ کې په اداري او تدریسي موضوعاتو خبرې وکړي.
