د پوهنې وزارت مالي او اداري محترم معین د بادغیس ولایت اړوندو دیني مدارسو له ازموینو بهیر څخه لیدنه وکړه
د پوهنې وزارت مالي او اداري معین محترم الحاج مولوي صبغت الله وصیل د ثانويه او مافوق ثانویه ازموینو د پرمختګ، څارنې، ارزونې او بیاکتنې لپاره بادغیس ولایت ته رسمي سفر وکړ.
د یاد وزارت محترم معین د بادغیس له والي او پوهنې رئیس سره د لیدنې پرمهال، له پوهنې سره د ولایت مقام همکارۍ وستایلې او زیاته یې کړه چې، د ادارو ترمنځ د دوه اړخیزو همکاریو دوام به پر پوهنیز بهیر ښه او مثبت اغېز ولري؛ نو اړینه ده چې د پوهنیزنظام پراختیا او د ښوونیز کیفیت ښه والي په برخه کې باید یو له بل سره په ګډه کار وکړو.
دغه راز نوموړي د پوهنې له چارواکو څخه هم وغوښتل چې د ازموینې پروسه په صداقت، روڼتیا او عدالت ته په بشپړ درناوي سره پلي کړي.
