د کابل ولایت له یو ښوونځي سره د اداري وسایلو او درسي موادو مرسته وشوه
د کابل ولایت پوهنې مسوولینو په وینا، د یاد ولایت میربچهکوټ ولسوالۍ اړوند له ذکو سفلی منځني ښوونځي سره د اداري وسایلو او درسي موادو مرسته ترسره شوه.
د معلوماتو له مخې، د لومړي څخه تر پنځم ټولګي پورې ۷۱۰ ټوکه درسي کتابونه، چې ټولیز ارزښت یې ۲۱٬۳۰۰ افغانۍ کېږي، له یو پایه پرنټر سره چې ارزښت یې ۷٬۰۰۰ افغانۍ دی، د میربچهکوټ ولسوالۍ علمپاله کسانو له لوري یاد ښوونځي ته ورکړل شول.
د یادو وسایلو په ترلاسه کولو سره، د دې ښوونځي په اداري او تدریسي چارو کې لا زیاتې اسانتیاوې رامنځته شوې.
