په غور ولایت کې د یو باب ښوونځي نوې ودانۍ ګټې اخیستنې ته وسپارل شوه
د غلمین لېسې نوې ودانۍ، چې څه موده وړاندې د غور ولایت مرکز فیروزکوه ښار په اړونده سیمه کې د خلکو او د ښوونځي د تعلیمي شورا لخوا یې جوړول پیل شوي وو، اوسمهال بشپړه او د یاد ولایت پوهنې رئیس محترم الحاج مولوي غلام محمد کاظم له لوري پرانیستل شوه.
د پوهنې رئیس د پرانیستې په مراسمو کې وویل: «موږ خوښ یو، چې خلک د ښوونې او روزنې پرمختګ لپاره پاملرنه کوي، د سیمې د خلکو له همکارۍ د زړه له کومې مننه کوم او وایم چې تاسو زموږ د ټولنې لپاره غوره بېلګه یاست.»
د یادونې وړ ده چې دغه ودانۍ شپږ درسي خونې لري او په جوړېدو سره یې د زدهکوونکو ستونزې حل شوي دي.
