د ولایتونو پوهنې کړنو ته لنډه کتنه
بغلان
د بغلان ولايت پوهنې رياست له پاکستان هېواد د راستانه شویو زده کوونکو څخه د سویې د تثبیت آزموینه واخيسته؛ تر څو هغوى د خپلې سویې سره سم په ښوونځيو کې د ښوونې او روزنې د دوام په موخه شامل شي.
هلمند
د هلمند ولايت د ګرمسېر او نادعلي ولسواليو د پوهنې آمرینو، د يادو ولسواليو د مدارسو او دارالحفاظونو له مسئولينو سره غونډه وکړه.
دغه راز په یاده ناسته کې د پوهنې پر ستونزو او حل لارو تفصیلي خبرې وشوې.
لوګر
د لوګر ولایت پوهنې ریاست د یاد ولایت په مرکز پل علم ښار کې، د ۹۵ بابه مدارسو او دارالحفاظونو ۱۹۰ تنه مسئولینو او کارکوونکو لپاره څلور ورځنی ښوونیز سیمینار جوړ کړ.
پکتیا
د پکتيا ولايت پوهنې رئيس مولوي عبدالوکيل خالد، د یاد ولايت د مرکز اړوند د سيد حسن لېسې د اداري او تدريسي چارو د څارنې پرمهال، د دغه لېسې له ښوونکو او د شورا له غړو سره ناسته وکړه او له هغوی سره یې د ښوونیز او روزنیز وضعیت لاښه والي په تړاو تفصیلي خبرې وکړې.
