په فراه ولایت کې یو باب دیني مدرسه تاسیس شوه
د فراه ولایت مرکز اړوند په دارآباد سیمه کې د لومړي ځل لپاره د نعمانیه دیني مدرسه تاسیس او د بنسټ ډبره یې د ځایي اوسېدونکو په مالي ملاتړ د ۱.۵ میلیونه افغانیو په ارزښت کېښودل شوه.
د یادې مدرسې د بنسټ ډبره د فراه ولایت د پوهنې رئیس، د يو شمېر دولتي ادارو استازو، علماوو او د قومي مخورو په حضور کې کېښودل شوه. .
د مسئولينو په وينا، سره له دې چې په یاد کلي کې شپږ ښوونځي فعاليت لري؛ خو د نعمانيه مدرسه په دې سیمه کې د ديني زده کړو لومړى مرکز دى، چې پرانیستل کېږي.
دوی وایي، چې د نعمانیه دیني مدرسې مالي لګښت د امربا المعروف او نهي عن المنکر د مسئولينو، د اطلاعاتو او فرهنګ رياست، د پوهنې رياست او د دغه ولايت د پوهنې مينه والو له لوري ورکړل شوې، چې په ترڅ کې به يې ۵۰۰ تنو ماشومانو ته د ديني زده کړو آسانتياوې رامنځته شي.
بل خوا د سيمې اوسېدونکو د یادې ديني مدرسې د جوړولو په برخه کې د مسئولینو له همکارۍ هرکلی او مننه وکړه.
