په لوګر ولایت کې د پنځو ښوونځیو د ترمیم چارې پاى ته ورسېدې
د لوګر ولايت خروار ولسوالۍ په لرو پرتو سيمو او کليو کې پنځه بابه ښوونځي بياځلې ترميم او ګټې اخيستنې ته وسپارل شول.
د لوګر پوهنې ریاست مسئولین وايي: ياد ښوونځي د پوهنې وزارت له عادي بوديجې څخه د دوی د هڅو په پایله کې ترمیم او ګټې اخیستنې ته سپارل شوي دي.
د دوى په وينا، د دغو ښوونځيو په رغولو سره تر زرو زياتو زده كوونكو ته د زده كړې مناسب چاپېريال رامنځته شوى دى.
د يادونې وړ ده، چې بياځلې رغول شوي ښوونځي د علي جان خېلو، اوريا خېلو، کوټکي، خواجه انګور او خوشحال وو، چې د خروار ولسوالۍ په بېلابېلو کليو کې موقعيت لري.
