بدخشان ولایت کې څه د پاسه یو مېلیون افغانیو په لګښت یو ښوونځی بیاورغول شو
د بدخشان ولایت شکي ولسوالۍ اړوند د "اوبغن" ښوونځي ودانۍ چې پخوا د بېلابېلو پېښو له امله زیانمنه شوې وه، اوسمهال د پوهنې له بودیجې څخه د یو مېلیون او ۱۸۴ زره افغانیو په لګښت تر بیارغونې وروسته ګټې اخیستنې ته وسپارل شوه.
د پوهنې مسئولینو په خپلو خبرو کې، د یاد ښوونځي بیارغونه د پوهنې د پیاوړتیا په برخه کې یو مهم ګام وباله او ویې ویل، چې د دغه ښوونځي په بیارغونه سره د زده کوونکو چاپېریالي ستونزه په بشپړه توګه هواره شوه.
سیمه ییزو خلکو د پوهنې وزارت له پاملرنې او کړنو مننه وکړه.
