د ميدان وردګو پوهني ریاست کې د کانکور د شموليت په اړوند غونډه وشوه
د کانکور د نومليکنې په یاده غونډه کې د میدان وردګو پوهنې رییس مولوي ګل ولی متقي، د پوهنې رياست او ولسواليو بېلابېلو مديرانو ګډون کړی وو.
سږکال له ياد ولايت څخه ۴۰۶۶ تنه زدهکوونکي فارغ شول، چې ۴۴۱ تنه يې نجونې دي او ټول زده کوونکی د کانکور نومليکنې ته چمتو دي.
د پوهنې رییس فارغ شویو زده کوونکو ته د مبارکۍ تر څنګ مالي مديرانو ته لارښوونه وکړه چې د ولسواليو په شمول دې مرکز ټولو برخو ته د نومليکنې فورمونه ورسوي او تر څنګ د يې مالي چارې هم په پوره دقت سره مدیریت کړي.
