د پوهنې وزارت د اساسي او ثانوي زده کړو رئیس دتخار ولایت له تعلیمي بهیر څخه لیدنه وکړه
د پوهنې وزارت د اساسي او ثانوي زده کړو د رئیس مولوي محمد اسحق حقیقي په مشرۍ پلاوي دهیواد ولایاتو ته د خپلو سفرونو په لړ کې د تخار ولایت له تعلیمي بهیر څخه لیدنه وکړه.
نوموړي په یاد سفر کې د تالقان ښار د پوهنې آمریت، د بنګي، فرخار،کلفګان، بهارک او نمک آب ولسوالیو د پوهنې له آمریتونو، پنځوس بابه ښوونځیو، د لیک او لوست د زده کړې له مرکزونو او سیمه ایزو درسي ټولګیو څخه لیدنه وکړه، اړونده مسئولینو ته یې اړینې سپارښتنې وکړې او د هغوی وړاندیزونه یې واورېدل.
د یادونې وړ ده، چې یاد پلاوي تر دې مهاله د بدخشان، بلخ او سمنګان ولایتونو ته سفرونه کړيدي او په نږدې راتلونکې کې به ځینو نورو ولایتونو ته هم سفرونه وکړي.
