ميدان وردګو کې ۵۴ ښوونکو ته روغتيايي زدهکړې ورکړل شوې
دایمیرداد ولسوالي کې د پوهنې ریاست له حکم سره سم د یادې ولسوالۍ پوهنې آمریت لخوا ۵۴ ښوونکو او د ښوونځیو مسؤلینو لپاره د روغتیايي سيمينار دائر شو.
غونډې ته پوهنې مسول امر مولوي سردارولي د قران او حديثو په رڼا کې د پاکوالي اړوند خبرې وکړې، نوموړي زیاته کړه چې ښوونکي دې زده کوونکو ته د پاکوالي، پاکو اوبو او صابون سره د لاس مینځلو پوهاوی ورکړي او هم يې د ښوونځیو مسولو ښوونکو ته سپارښتنه وکړه چې د زده کوونکو لپاره دې څښاک پاکې اوبه، پاک چاپېریال او نورې اړینې اسنتیاوې برابر کړي.
