پوهنې وزیر او د ملی دفاع وزارت مرستیالې د ګډو همکاریو پیاوړتیا په موخه لیدنه او خبرې وکړې
پوهنې وزارت- کابل: پوهنې وزیر ډاکتر محمدمیرویس بلخي او د ملي دفاع وزارت مرستیالې منیره یوسفزاده، د ستردرستیز ښوونې او روزنې قوماندان ډګرجنرال پاینده محمد ناظم او راغلو غړو سره لیدنه او د ګډو همکاریو پیاوړتیا په اړه خبرې اترې وکړې.
دا لیدنه چې پوهنې وزارت کې تر سره شوه: د دوه اړخیزو همکاریو څیړل او د امنیتي ځواکونو ښوونې او روزنې په برخه کې د هوکړه لیک لاسلیکول، د پوهنې وزارت له لوري د حربي ښوونیزې ښوونځۍ اسنادو ته اعتبار ورکول،د ملي پولیسو لیکو ته د نجونو جذبولو لپاره په لیسو کې د پوهاوي پروګرامونو وړاندي کول، د نظامي اکاډمۍ نصاب پیژندونکو شتون د پوهنې ښوونیز نصاب په کمیټه کې او د سواد زده کړې پیاوړتیا په موخه خبرې اترې وکړې.
پوهنې وزیر د همکاریو په پياوړتیا او د هوکړه لیک لاسلیکولو څخه خوښي و ښوده او د افغان امنیتي ځواکونو چوپړ يې د پوهنې وزارت له لمړیتوبونه څخه یاد کړ.
منیره يوسفزاده په دې لیدنه کې د افغان ماشومانو ښوونې او روزنې ښه والي په برخه کې د پوهنې وزارت مشرتابه له مثبتو او ښو کارونو څخه ستاینه وکړه او د امنیتي ځواکونو ښوونیزې سويې د لوړولو په موخه د دواړو وزارتونو ګډ کوښښ يې د دواړو لورو په کاري لاسته راوړنو کې تاثیر لرونکي اقدام یاد کړ.
