د نه اوریدونکو ملی ښونځۍ د چارواکو سره د پوهنې وزارت د سرپرستې لیدنه
د پوهنې وزارت، کابل: د پوهنې وزارت سرپرستې آغلې رنګینې حمیدي د پوهنې په وزارت کې د میدیکا موسسي مشرې میرمن جمیلي افغاني په شتون کې د نه اوریدونکو ملی ښونځي د چارواکو سره ولیدل.
پدې ناسته کې، د میدیکا موسسي مشرې او د نه اوریدونکو ملی ښونځي غړو د پوهنې وزارت له نوي مشرتابه څخه رضایت څرګند کړ او د معلولیت لرونکو ماشومانو لپاره د زده کړو خدمتونو د کیفیت لوړولو په اړه خبرې وکړې.
آغلې رنګینې حمیدي په افغانستان کې د پوهنې په برخه کې د اصلاحاتو او پرمختګ په برخه کې د میدیکا موسسي له همکارۍ نه مننه وکړه او وویل چې له بده مرغه په افغانستان کې د پوهنې په لاره کې لاهم ستونزې او خنډونه موجود دي خو د پوهنې وزارت معلولیت لرونکو ماشومانو ته ځانګړې پاملرنه لري.
هغې وویل چې ښوونه او روزنه د ټولو منل شوي حق دی او ټینګار یې وکړ د پوهنې وزارت به د ټولو لپاره د غوره تعلیم د برابرولو لپاره کار وکړي په ځانګړي ډول د معلولیت لرونکو ماشومانو لپاره.
