د پوهنې وزارت د مرکزي رئیسانو اونیز اداري مجلس دایر شو
د پوهنې وزارت د مرکزي رئیسانو اونیز اداري مجلس د یاد وزارت د سرپرست وزیر شیخ مولوي نورالله منیر صاحب په مشري دایر شو.
یاد مجلس چې د قرآنکریم د څو مبارکو ایاتونو په تلاوت سره پیل شو، د پوهنې وزارت اړوند د نظارت د غړو لپاره د حق الزحمې د اجراء لپاره د یوې طرحې د جوړولو، د هیواد په ښوونځیو کې د ښوونکو د کمښت د پوره کولو لپاره د عاجلو او اغیزناکو لارو چارو د لټولو، ښوونځیو او نورو تعلیمي مراکزو ته د دولتي ارګانونو اړوند وسلوالو او غیر وسلوالو کسانو د ننوتلو د مخنیوي د لارو چارو او ځینو نورو مسایلو په اړه تفصیلي بحثونه وشول او د هرې موضوع لپاره ځانګړي هیئتونه وټاکل شول. غونډه د دعائیې په لوستلو سره پای ته ورسیده.
