پکتیکا کې د زنګ په ګړنګولو سره نوی ښوونېز کال پیل شو
په پکتیکا ولایت کې ۱۳۹۸ ښوونېز کال د دولتي چارواکو، دیني عالمانو او قومي مخورو له خوا د ښوونځي زنګ په وهلو سره رسمآ پیل شو.
په یادو مراسمو کې د پکتیکا والي ډاکټر مجیب څمکني، د پوهنې ریس انجنیر محراب الدین شفق، د ملي امنیت ریس، امنیه قومندان او د بیلابیلو ادارو ریسانو د ولایتي شورا استازو، ښوونکو او زده کوونکو سربیره د مدني ټولنو استازو او قومي مخورو ګډون کړی وو.
په یاده غونډه کې د پکتیکا والي ګډونوالو ته وویل: راتلونکی کال به د پوهنې په کیفیت کار کوو او ځانګړې لاس ته راوړنې به ولرو.او پکتیکا له ټولو درنو اوسیدونکو څخه غوشتنه وکړه، چې په خپلو ماشومانو زده کړي وکري او ښوونځیو ته یې ولیږي.
همدا راز د مراسمو په پای کې د ولسمشر لخوا رالیږل شوی د اتلي ملالي په نوم د سرو زرو مډال د پکتیکا والي لخوا د جاني خیل ولسوالي د ملالۍ ښوونځي ښوونکي اغلې زرمینې ته ورکړل شو.
