د لوګر ولایت له پوهنې ریاست سره د درسي او اداري توکو مرسته وشوه
یو ځل بیا د یوه همکار بنسټ له لوري د لوګر ولایت له پوهنې ریاست سره د ۱۸۱۵کڅوړو اداري او درسي توکو مرسته وشوه، چې ارزښت یې شاوخوا ۳۱ زره ډالرو ته رسېږي.
په یادو مرستو کې ۱۱۶کڅوړې اداري وسایل او ۱۶۹۹ کڅوړې درسي مواد شامل دي، چې د ښوونکو لپاره ځانګړي شوي او ټاکل شوې ده د ټاکل شوې ونډې له مخې د یاد ولایت پر څه باندې ۲۸۸بابه ښوونځیو ووېشل شي.
د یادونې وړ ده، چې همدې بنسټ د تېرې یوې میاشتې په جریان کې هم د ۵۸۳ زره ډالرو په ارزښت ۶۶۹۹ ورته کڅوړې د لوګر ولایت پوهنې ریاست ته لېږلي دي.
