سینګال هیواد ته د پوهنې وزیر د سفر د خبرونو لړۍ
پوهنې وزیر د Ministerial Advisory Group Retreat په نړیواله ناسته کې د افغانستان ښوونې او روزنې څخه د GPE د ډير ملاتړ غوښتونکۍ شو.
پوهنې وزارت- داکار: پوهنې وزیر ډاکتر محمدمیرویس بلخي په یوه رسمي سفر د سینګال هیواد مرکز داکار ته ورسید او د Ministerial Advisory Group Retreat په نړیواله غونډه کې د ګډون ترڅنګ د افغانستان ښوونې او روزنې څخه د GPE د ډير ملاتړ غوښتونکۍ شو.
دا نړیواله ناسته د زده کړې لپاره د نړیوال ګډون پروګرام (GPE) په کوربه توب د نومبر په ۲ مه نیټه د غړیتوب لرونکو هیوادونو د پوهنې وزیرانو، دونرانو او د GPE نړیوالو شریکانو په شتون کې تر سره شوه.
پوهنې وزیر ډاکتر بلخي دې غوڼدې ته د وینا په ترڅ کې د افغانستان ښوونې او روزنې په اساسي برخو خبرې وکړې او د ښوونې او روزنې اوسنۍ حالت، لاسته راوړنې او همدارنګه شته ستونزې او ننګونې یې په یوه راپور کې وړاندې کړلې.
پوهنې وزیر ډاکتر بلخي د زده کړې لپاره د نړیوال ګډون پروګرام (GPE) څخه وغوښتل چې په ټول افغانستان کې د ښوونیزو خدمتونو ښه والي او ښوونې او روزنې ته د ماشومانو یو شان لاسرسي په موخه د نړیوالې ټولنې د ډیرو مرستو جلبولو لپاره هڅې وکړي.
د یادونې وړ ده چې (GPE) د ماشومانو ښوونې د ګډون لپاره یو نړیوال پروګرام دۍ چې د ۷۰ څخه ډیرو مخ پر ودې هیوادونو ملاتړ کوي.
