د پوهنې وزارت سرپرست وزیر د هرات ولایت د علماوو له هیئت سره وکتل
تر غرمې مخکې د پوهنې وزارت د کنفرانسوانو په تالار کې دیاد وزارت سرپرست وزیر شیخ القرآن والحدیث الحاج مولوي نورالله «منیر» صاحب د هیواد د سترعلمي شخصیت شیخ الحدیث مولوي خدایداد صاحب په مشري د هرات ولایت د علماوو له هیئت سره وکتل .
د ملاقات په پیل کې لومړی شیخ الحدیث مولوي خدایداد صاحب د هیواد له وضعیت څخه خوښي څرګنده کړه او ویې ویل چې د امریکايي استعمار ماتې او په هیواد کې د اسلامي نظام قایمیدل د الله تعالی لوی نعمتونه دي او باید چې نه یوازې افغان ملت بلکې ټول اسلامي امت یې شکرانه اداء کړي. وروسته نوموړي د هیواد د غربي حوزې په تیره بیا هرات ولایت په تعلیمي وضعیت لنډه رڼا واچوله او خپل وړاندېزونه او نظریات یې له محترم وزیر صاحب سره شریک کړل. له محترم شیخ خدایداد صاحب څخه وروسته نوروعلماوو هم په لنډ ډول خپلې مشورې او غوښتنې له محترم وزیر صاحب سره شریکې کړې.
وروسته د پوهنې محترم وزیرصاحب د خپلو خبرو په ترڅ کې لومړی د علماوو راغلي هیئت ته ښه راغلاست ووایه او بیا یې له شیخ الحدیث مولوي خدایداد صاحب اونورو راغلیو علماوو څخه د هغوی د ارزښتناکو نظریاتواو مشورو له امله مننه وکړه او زیاته یې کړه، چې په خپل ټول توان سره به هڅه کوي چې د هرات ولایت په تعلیمي ډګر کې ټولو موجودو ستونزو ته دحل لاره ولټوي.
د یادونې وړ ده، چې شیخ الحدیث مولوي خدایداد صاحب د هیواد په سطحه ستر علمي شخصیت دی، له لسیزو،لسیزو په هرات ولایت کې د (دارالعلوم غیاثیه) په نوم یوه ستره دیني مدرسه لري، چې سږ کال پکې دولس زره (۱۲۰۰۰)تنه طالبان زده کړې کوي.
