له ولایتونو څخه د پوهنې لنډ خبرونه.

media-moe
Tue, Nov 29 2022 10:07 AM
dsfg

کاپیسا:
د کاپيسا ولايت د مرکز او د لومړۍ حصې او دویمې حصې والسوالیو د ښوونځيو د آمرینو، مديرانو او د ښوونځیو د شوراګانو د غړو لپاره د پاملرنې د موسسې له خوا د ښوونځيو د پراختيا لپاره د منابعو د راغونډولو تر عنوان لاندې درې ورځنى ښوونيز ورکشاپ جوړ شو.
د دې ولایت د پوهنې رئیس مولوي محمد فرید حقاني د پوهنې په برخه کې د پاملرنې موسسې او نورو بنسټونو له مرستو څخه مننه وکړه او د شوراګانو له غړو یې وغوښتل چې د ښوونځیو د اداري او تدریسي چارو د ښه والي په برخه کې هر اړخیزي مرستي وکړي. .
کندهار:
په هغه لويه غونډه کي چي د کندهار ولايت د پورته میوند او کښته میوند ولسواليو د ديني عالمانو، دولتي چارواکو او د سيمي د خلکو په ګډون جوړه شوې وه، د پوهني مسوولينو د دغه ولايت د پوهني له رئيس مولوي فخرالدين نقشبندي سره خپلي ستونزي او وړانديزونه شريک کړل.
لغمان:
د لغمان ولایت د ځوانانو چارو آمریت شپږ زره ټوکه درسي کتابونه راټول او د دغه ولایت د پوهنې مسوولینو ته یې وسپارل، ترڅو د شهید مولوي حبیب الرحمن لېسې زده کوونکو ته ورکړل شي.
د لغمان ولایت د پوهنې ریاست مسوولینو د خپلو ځوانانو دغه نیک اقدام د ستاینې وړ وباله او د ستاینلیکونو په ورکولو سره یې مننه وکړه.
لوګر:
د یونیسف ادارې د لوګر ولایت په مرکز او ولسوالیو کې د لسو ښوونځیو لپاره د اوبو څاګانې، لمریزې برېښنا او تشنابونه جوړوي.
 د دغه ولایت د پوهنې چارواکي وايي: د لوګر د پوهنې ریاست د انجینرۍ ټیم له خوا د سروې له بشپړیدو وروسته به د دغو پروژو عملي کار پیل شي.
پنجشیر:
د پنجشېر ولايت د پوهنې رياست د ارزونې او څارنې ښوونیز ټيم د دغه ولايت د مرکز اړوند د عنابې او بازارک ولسواليو په يو شمېر ښوونځيو کې د اداري، تدريسي او کلنیو ازموينو له بهير څخه څارنه وکړه او مسوولينو ته يې د دغه ولايت د پوهنې د ښه والي په موخه لازمې لارښوونې وکړې.

Latest news

Sat, Sep 23 2023 3:15 PM
Background image

Aqcha Namai High School was inaugurated in Jawzjan province

Aqcha Namaj High School in Aqche district of Jawzjan province was inaugurated by MoE Acting minister with the presence of education director of that province.

Alhaj Mohammad Taher. . .

Sat, Sep 23 2023 1:52 PM
Background image

MoE Acting Minister held a consultative meeting with the religious scholars of Balkh province

Alhaj Maulawi Habibullah Agha, MoE Acting Minister held a cosutative meeting with the religious scholars of that province to discuss the improvement of the situation, solving the. . .

Sat, Sep 23 2023 11:53 AM
Background image

The foundation stone of a religious Madrasa was laid in Balkh

The foundation stone of a religious Madrasa was laid in “Gorimar” village of Nahr-e-shahi district of Balkh province by Alhaj Maulawi Habibullah Agha, the MoE Acting minister.
In the. . .

BACK TO NEWS